UBT qashan ótedi?

Foto:Qazaqstan.tv

Negizgi UBT-ǵa ótinish qabyldaý 12 sáýirde bastalady, dep habarlaıdy qandastar.kz

Ǵylym jáne joǵary bilim mınıstrliginiń habarlaýynsha, 2025 jylǵy negizgi UBT-ǵa ótinishter 12-25 sáýir aralyǵynda qabyldanady. 12-18 sáýir aralyǵynda bir ret, al 19-25 sáýir aralyǵynda bir nemese eki ret tapsyrýǵa ótinish berýge bolady.

Testileýdiń ózi 16 mamyrda bastalyp, 5 shildege deıin jalǵasady. Talapkerler UBT-ny eki ret tapsyryp, eń joǵary jınaǵan upaıymen grant konkýrsyna qatysa alady.

О́tinish berý úshin app.testcenter.kz saıtyna nemese UTO.kz qosymshasyna kirip, test tapsyratyn kúndi, ýaqytty jáne oryndy tańdaýǵa bolady. Eki múmkindikte de birdeı beıindik pánder kombınaııasy tańdalady.

Talapkerlerge daıyndalýǵa kómektesý úshin ár pán boıynsha taqyryptyq taldaý jasalady. Qańtar jáne naýryz aılarynda test tapsyrǵandar óz nátıjelerine qaraı qaı taqyryptardy qaıtalaý kerektigin kóre alady. Sonymen qatar onlaın baıqaý testteri de bar.

UBT formaty ózgergen joq:

• 3 mindetti pán, 2 beıindik pán;

• barlyǵy 120 tapsyrma;

• eń joǵary ball – 140;

• testileý ýaqyty – 4 saǵat (erekshe qajettilikteri bar oqýshylarǵa qosymsha 40 mınýt beriledi).

Test kezinde kalkýlıator, hımııalyq elementterdiń kestesi jáne tuzdardyń erigishtik kestesi qoljetimdi. Qaǵaz nusqalary da beriledi. UBT-dan keıin 30 mınýt ishinde apellıaııa berýge bolady. Sertıfıkat apellıaııadan keıin jeke kabınette kórsetiledi.

Shekti balldar:

• Quqyq jáne pedagogıka – keminde 75 ball;

• Medıına – keminde 70 ball;

• Ulttyq JOO – keminde 65 ball;

• Basqa JOO – keminde 50 ball. Testileý qaýipsizdigin saqtaý úshin telefon, shpargalka sııaqty tyıym salynǵan zattardy alyp kirýge bolmaıdy. Aýdıtorııalarda beınebaqylaý júrgiziledi, al test aıaqtalǵannan keıin beınejazbalar qaralyp, ereje buzýshylyq anyqtalsa, nátıjeler joıylady.