ۇبت سۇراقتارىن تولىق وزگەرتەمىز – عىلىم جانە جوعارى ءبىلىم ءمينيسترى

فوتو: اشىق دەرەككوز

عىلىم جانە جوعارى ءبىلىم ءمينيسترى ساياسات نۇربەك ۇلتتىق بىرىڭعاي تەستىلەۋ جۇيەسىنە وزگەرىستەر ەنگىزىلەتىنىن ايتتى. بۇل تۋرالى Stan.kz اقپارات اگەنتتىگى حابارلايدى.

3-4 جىلدا ۇبت-نىڭ سۇراقتارى تولىق اۋىسادى.

“ۇلتتىق بىرىڭعاي تەستىنى قۇراستىراتىن 300 ماماندى دايىندادىق. ماماندار مىقتى تەستىلەۋ ورتالىقتارىنا بارىپ, وقۋدان ءوتتى. ەندى ۇبت سۇراقتارىن باسقاشا تۇجىرىمدايمىز, بۇل جونىندە جۇمىس باستالىپ كەتتى. ۇبت-عا قاتىستى كەز كەلگەن وزگەرىس – ابىگەرگە سالاتىن وتە نازىك ماسەلە. سوندىقتان ونى بىردەن اۋىستىرۋ مۇمكىن ەمەس. رەفورمانى كەزەڭ-كەزەڭىمەن 3-4 جىل ىشىندە جۇرگىزۋ كەرەك. ءبىرىنشى كەزەڭدە سۇراقتاردىڭ ساپاسى وزگەرەدى. بالا ۇبت-نى قالاعان ۋاقىتتا, قالاعان جەرىندە تاپسىرا الۋى كەرەك. ەگەر باعا قاناعاتتانارلىق بولماسا, ول قايتا جىبەرىلەدى. وزىنە قاجەتتى باللدى العانشا قۇجاتتارىن تاپسىرا الادى», – دەدى ساياسات نۇربەك ۇكىمەت وتىرىسىنان كەيىنگى ءباسپاسوز ءماسليحاتىندا.

ءمينيستردىڭ مالىمەتىنشە, بيىل 11 مىڭنان استام تۇلەك ۇبت تاپسىرعان.

«نەگىزى, ءبىز جوعارى وقۋ ورىندارى تالاپكەرلەر ءۇشىن قابىلداۋ ەمتيحاندارىن وزدەرى ۇيىمداستىرىپ, وزدەرى قابىلدايتىن ۇلگىگە كوشۋىمىز كەرەك. ماسەلەن, شەتەلدەگى ۋنيۆەرسيتەتتەر ستۋدەنتتەردى وزدەرى تاڭدايدى», – دەيدى ساياسات نۇربەك.

سونداي-اق باسقارما باسشىسى ۇبت-عا قاتىستى جاڭا رەفورما اشىق ءارى كەڭىنەن تۇسىندىرىلەتىنىن ايتتى.

ەسكە سالساق, جەلىدە تۇلەكتەر جوو-عا ءتۇسۋ گرانتىنىڭ باسىم كوپشىلىگى سۋ تاسقىنىنان زارداپ شەككەندەرگە بەرىلگەنىنە قارسى شىققانىن حابارلاعان ەدىك. عىلىم جانە جوعارى ءبىلىم ءمينيسترى ساياسات نۇربەك نەلىكتەن جوعارى بالل العان قازاقستاندىق تۇلەكتەردىڭ گرانت ۇتا الماي قالعانىن تۇسىندىردى