UBT suraqtaryn tolyq ózgertemiz – Ǵylym jáne joǵary bilim mınıstri

Foto: ashyq derekkóz

Ǵylym jáne joǵary bilim mınıstri Saıasat Nurbek ulttyq biryńǵaı testileý júıesine ózgerister engiziletinin aıtty. Bul týraly Stan.kz aqparat agenttigi habarlaıdy.

3-4 jylda UBT-nyń suraqtary tolyq aýysady.

“Ulttyq biryńǵaı testini qurastyratyn 300 mamandy daıyndadyq. Mamandar myqty testileý ortalyqtaryna baryp, oqýdan ótti. Endi UBT suraqtaryn basqasha tujyrymdaımyz, bul jóninde jumys bastalyp ketti. UBT-ǵa qatysty kez kelgen ózgeris – ábigerge salatyn óte názik másele. Sondyqtan ony birden aýystyrý múmkin emes. Reformany kezeń-kezeńimen 3-4 jyl ishinde júrgizý kerek. Birinshi kezeńde suraqtardyń sapasy ózgeredi. Bala UBT-ny qalaǵan ýaqytta, qalaǵan jerinde tapsyra alýy kerek. Eger baǵa qanaǵattanarlyq bolmasa, ol qaıta jiberiledi. О́zine qajetti balldy alǵansha qujattaryn tapsyra alady», – dedi Saıasat Nurbek úkimet otyrysynan keıingi baspasóz máslıhatynda.

Mınıstrdiń málimetinshe, bıyl 11 myńnan astam túlek UBT tapsyrǵan.

«Negizi, biz joǵary oqý oryndary talapkerler úshin qabyldaý emtıhandaryn ózderi uıymdastyryp, ózderi qabyldaıtyn úlgige kóshýimiz kerek. Máselen, sheteldegi ýnıversıtetter stýdentterdi ózderi tańdaıdy», – deıdi Saıasat Nurbek.

Sondaı-aq basqarma basshysy UBT-ǵa qatysty jańa reforma ashyq ári keńinen túsindiriletinin aıtty.

Eske salsaq, jelide túlekter JOO-ǵa túsý grantynyń basym kópshiligi sý tasqynynan zardap shekkenderge berilgenine qarsy shyqqanyn habarlaǵan edik. Ǵylym jáne joǵary bilim mınıstri Saıasat Nurbek nelikten joǵary ball alǵan qazaqstandyq túlekterdiń grant uta almaı qalǵanyn túsindirdi