Úı kezeginen zańsyz shyqqan áskerı qyzmetker sotta jeńdi

Foto: istockphoto.com

Áskerı qyzmetshi memlekettik organnyń ózi men otbasy múshelerin turǵyn úı kezeginen alyp tastaý jónindegi áreketin daýlap, jalǵa alǵan turǵyn úı onyń jeke menshigi emes ekenin atap kórsetken, dep jazdy qandastar.kz

Jergilikti sottar talap qoıýdy qanaǵattandyrýdan bas tarta otyryp, turǵyn úıdi satyp alý shartynyń bar ekendigine súıenip, sol arqyly aryzdanýshy óziniń turǵyn úı quqyǵyn paıdalanyp, turǵyn úıge muqtaj retindegi mártebesin joǵaltqan degen sebep keltirgen.

Joǵarǵy Sottyń sot alqasy bul tujyrymdarmen kelispedi, osy rette aryz berýshiniń turǵyn úıge muqtaj áskerı qyzmetshiler sanatyna jatatynyn, óıtkeni jalǵa beriletin turǵyn úıdiń bolýy áskerı qyzmetshilerdi keıinnen satyp alý arqyly jaldaý aqysyn tóleý jónindegi óz mindettemelerin tolyq oryndaǵanǵa deıin turǵyn úı mártebesinen aıyrmaıtyndyǵyn ýájdegen.

Osylaısha, is boıynsha aryz berýshi jalǵa alynǵan turǵyn úıdiń menshik ıesi bolyp tabylmaıtyny, baspana oǵan satyp alý sharttarymen ýaqytsha ıelenýge berilgendigi anyqtaldy.

Jergilikti sottardyń sot aktileriniń kúshi joıyldy, aryzdy tolyq kólemde qanaǵattandyrý týraly jańa sheshim shyǵaryldy.

Joǵarǵy Sot memlekettik organnyń turǵyn úı komıssııasynyń aryz berýshini esepten shyǵarý týraly sheshimin zańsyz dep tanyp, jiberilgen buzýshylyqtardy túzetip, áskerı qyzmetshiniń turǵyn úı tólemderin alý quqyqtaryn qalpyna keltirýdi mindettedi. Memlekettik qorǵanys organynan aryzdanýshynyń sot shyǵyndary óteldi.