ءۇي مەن كولىكتىڭ قۇنى قانشا تەڭگەدەن اسسا, قازاقستاندىقتار «بايلىق سالىعىن» تولەيدى

فوتوكوللاج: Azattyq Rýhy / ابىلقاسىم ەسەنتاەۆ

ۇلتتىق ەكونوميكا ۆيتسە-ءمينيسترى ازامات ءامرين جاڭا سالىق كودەكسى قابىلدانعاننان كەيىن قازاقستاندىقتار تاعى قانداي سالىق ءتۇرىن تولەيتىنىن ءتۇسىندىردى, دەپ حابارلايدى Qandastar.kz Azattyq Rýhy سىلتەمە جاساپ.

جاڭا سالىق كودەكسىمەن ەلىمىزدە «ءسان-سالتانات» سالىعى ەنگىزىلەدى. ۆيتسە-مينيستر بايلىق سالىعى قانداي م ۇلىكتەر ءۇشىن سالىناتىنىن ايتتى.

«جيىنتىق قۇنى 450 ملن تەڭگەدەن اساتىن جىلجىمايتىن م ۇلىك وبەكتىلەرى بويىنشا م ۇلىك سالىعىنىڭ جوعارى مولشەرلەمەسى; كەدەندىك قۇنى 75 ملن تەڭگەدەن اساتىن جەڭىل اۆتوموبيلدەرگە اكتسيزبەن قوسىمشا سالىق سالۋ; قىمبات الكوگول جانە تەمەكى ونىمدەرىنە, سونداي-اق قىمبات تەڭىز كەمەلەرىنە, ۇشۋ اپپاراتتارىنا اكتسيزبەن قوسىمشا سالىق سالۋ ۇسىنىلىپ وتىر», – دەدى ءامرين ماجىلىستە وتكەن وتىرىستا.

سونىمەن قاتار جاڭا سالىق كودەكسىندە زەينەتاقى قورىنان تولەنەتىن زەينەتاقى تولەمدەرىن جەكە تابىس سالىعىنان بوساتۋ تۋرالى نورما بار.

بۇعان قوسا 10 جىلدان اسقان اۆتوكولىكتەردىڭ سالىعى 30 پايىزعا, 20 جىلدان اسقان كولىكتەردىڭ سالىعى 50 پايىزعا تومەندەتىلمەك.