Úı men kóliktiń quny qansha teńgeden assa, qazaqstandyqtar «baılyq salyǵyn» tóleıdi

Fotokollaj: Azattyq Rýhy / Ábilqasym Esentaev

Ulttyq ekonomıka vıe-mınıstri Azamat Ámrın jańa Salyq kodeksi qabyldanǵannan keıin qazaqstandyqtar taǵy qandaı salyq túrin tóleıtinin túsindirdi, dep habarlaıdy Qandastar.kz Azattyq Rýhy Silteme jasap.

Jańa Salyq kodeksimen elimizde «sán-saltanat» salyǵy engiziledi. Vıe-mınıstr baılyq salyǵy qandaı múlikter úshin salynatynyn aıtty.

«Jıyntyq quny 450 mln teńgeden asatyn jyljymaıtyn múlik obektileri boıynsha múlik salyǵynyń joǵary mólsherlemesi; kedendik quny 75 mln teńgeden asatyn jeńil avtomobılderge akızben qosymsha salyq salý; qymbat alkogol jáne temeki ónimderine, sondaı-aq qymbat teńiz kemelerine, ushý apparattaryna akızben qosymsha salyq salý usynylyp otyr», – dedi Ámrın májiliste ótken otyrysta.

Sonymen qatar jańa Salyq kodeksinde zeınetaqy qorynan tólenetin zeınetaqy tólemderin jeke tabys salyǵynan bosatý týraly norma bar.

Buǵan qosa 10 jyldan asqan avtokólikterdiń salyǵy 30 paıyzǵa, 20 jyldan asqan kólikterdiń salyǵy 50 paıyzǵa tómendetilmek.