«ۇيگە بىرەۋلەر ءنومىرى جوق كولىكپەن كەلگەن»: شەرزاتتىڭ تۋىستارى ءۇيدىڭ ورتەنۋىن كۇدىكتىلەر جاقتان كورەدى

فوتو: Ulysmedia كوللاجى

تالعار قالاسى ماڭىنداعى ازات اۋىلىندا ورتكە ورانعان مارقۇم شەرزات بولاتتىڭ ۇيىنە باردى. وقيعا ورنىندا نە بولىپ جاتقانىن كوزبەن كورىپ, قارجاۋباي نۇرىموۆتىڭ قارىنداسى پەريزاتپەن تىلدەستى.

ۇيدە ەشكىم بولماعان

مارقۇمنىڭ تۋعان-تۋىستارىنىڭ ايتۋىنشا, ءورت شامامەن تۇنگى 00.30 ۋاقىتىندا بولعان. ۇيدە ەشكىم بولماعان. سەبەبى شەرزات اتا-اجەسىنىڭ قولىندا وسكەندىكتەن, بۇل جاعداي ەگدە كىسىلەرگە قاتتى اۋىر تيگەندىكتەن, مارقۇمنىڭ تۋعان-تۋىستارى قارا شاڭىراقتا بولعان. ۇيدەگى مال امان, تەك ءيتتى كۇيىك شالعان.

Ulysmedia.kz پورتالىنا وقيعا جايلى قارجاۋباي نۇرىموۆتىڭ قارىنداسى ايتىپ بەردى. “قارجاۋبايدىڭ ءوزى بىردەڭە دەيتىندەي جاعدايدا ەمەس” دەيدى ول. ۇلىنىڭ قازاسىنا قابىرعاسى سوگىلىپ وتىرعان اكەگە بۇل وقيعا ەكىنشى سوققى بولىپ, ەسەڭگىرەپ قالعان. مارقۇمنىڭ تۋعان-تۋىستارى ءورتتى كۇدىكتىلەر جاقتان كەلگەن ارەكەتپەن بايلانىستىرادى. ونى پەريزەت ايتىپ بەردى. ء“ۇيدىڭ ورتەنۋىن الدىڭعى بولعان جاعدايلارمەن بايلانىستىرىپ وتىرسىز با?” دەگەن سۇراققا “ارينە, بايلانىستىرامىز” دەيدى.

ءنومىرى جوق كولىكتەر

– سوڭعى ءۇش كۇندە شەرزاتتىڭ سىنىپتاستارى “كوشەلەرىڭىزدە ءنومىرى جوق كولىكتەر ءجۇر” دەدى. ءورت بولماي ءبىر كۇن بۇرىن كورشىلەر ء“سىزدىڭ ۇيلەرىڭىزگە ءنومىرى جوق كولىكپەن كەلگەندەر كىرىپ شىقتى, ءبىز شۋلاپ, ءبارىمىز جارىقتى جاقتىق, ايعايلاپ ەدىك, توقتاماستان قاشىپ كەتتى” دەپ حابار بەردى. مەكتەپ بالالارىنىڭ ءبارى دە ءبىر اۋىلدان بولعان سوڭ كىمنىڭ قانداي كولىكتى ايدايتىنىن بىلەمىز دەپ وتىر. بالالار “ىشىندەگى ادامدار دا بەيتانىس, امانداسايىق دەپ قاسىنا بارىپ ەدىك, تەرەزەنى جاۋىپ الىپ, توقتاماي ءوتىپ كەتتى” دەدى. سوڭعى ءۇش كۇندە “كولىكتەر ءجۇر” دەگەندى ەستىدىك. ءىىم-گە بارىپ, كەلگەننەن بەرى وسىلاي بولىپ جاتىر, – دەيدى ول.

پەريزات نۇرىموۆا رەسمي ورگاندار ءوز جۇمىسىن دۇرىس اتقارمادى دەپ ەسەپتەيتىنىن جەتكىزدى.

– قاراستىرىپ جاتىر. سونىڭ “ارقاسى”. ءىىم-ءنىڭ, تالعار, وبلىس اكىمدىگىنىڭ “قاراستىرىپ, كۇشتى جۇمىس اتقارىپ جاتقاندارىنىڭ ارقاسى”. ۇيدەن ايىرىلىپ قالدىق. ءۇيدى قويشى, جانىمىز امان. بۇعان دەيىن كۇزەت قويىلعان جوق. ۇيگە قويماي-اق قويسىن, جوق دەگەندە اۋىلدىڭ باسىنا قويىپ بەرسىن. كىمنىڭ كىرىپ شىعىپ جاتقانىن ءبىلسىن. قاراپايىم حالىق بولىپ, جولدان وتكەن كولىكتى توقتاتىپ, “كىمسىڭ” دەپ سۇراي بەرسەك, ەسى دۇرىس ەمەس دەپ ويلايدى عوي. ۇستالعان ادامداردىڭ, سول جاقتان شىققان ادامداردىڭ بارىنە كولىك قويىپ بەرىپ قويىپتى. اۋىلعا كىرە بەرىستە كولىك قويىپتى. سوندا ءبىز جانىمىز شىعىپ وتىرعاندا بىرەۋدىڭ جانىن الۋعا شامامىز جەتە مە? مامامىزدىڭ ءوزى ءبىر قۇلاپ, ءبىر ەسىن جيىپ وتىر. زاڭ وكىلدەرىنە ويلانۋعا بولادى عوي. بۇگىن توپىرلاپ ءبارى ءجۇر. جۇرگەننەن نە پايدا? ءبارى بىتكەن سوڭ! قالعانىمىزدىڭ جانىمىزدى الىپ كەتكەنىن كۇتەمىز بە? ءسويتىپ, ءبىر توبە بولىپ, ءۇيىپ قويايىن دەگەن شىعار? زاڭ وكىلدەرى جۇمىس ىستەسە بۇلاي بولمايدى! ءبىزدىڭ پرەزيدەنت قاسىم-جومارت كەمەل ۇلى زاڭ وكىلدەرى قالاي جۇمىس ىستەيتىنىن كورسىن! سول كىسىنىڭ قول استىندا باسشى بولىپ, جۇمىسشىلارىنىڭ ءىس-ارەكەتى وسى! – دەيدى ول.

قايعىلى وقيعادان كەيىن شەرزاتتىڭ اكەسى اۋىلدىڭ ماڭىنا كۇزەت قويۋدى, اۋىلعا كىم كەلىپ, كىم كەتىپ جاتقانىن باقىلاۋدى وتىنگەن. بىراق پوليتسيا قىزمەتكەرلەرى ونى ەسكەرمەگەن.

– جىلاپ-سىقتاپ بولدىق. ەندى قويا سالمايمىز. اقىرىنا دەيىن بارامىز, – دەيدى پەريزات.

تالعارداعى قاندى وقيعا

ەسكە سالا كەتەيىك, الماتى وبلىسىندا جاس جىگىتتەردىڭ توبەلەسى 16 جاستاعى ءجاسوسپىرىمنىڭ ولىمىمەن اياقتالعان. مارقۇم دۇكەندە ساۋدا جاساپ تۇرعان اكەسىمەن ەرەگەسكەن كليەنتپەن توبەلەسكەن. بۇرىن تاراعان اقپاراتتارعا قاراعاندا, كليەنت دۇكەننەن سىرا الىپ, اقشاسىن تولەمەي كەتپەك بولعان. توبەلەس سول ءۇشىن تۋىنداعان. سىرانى تەگىن الىپ كەتپەك بولعان جىگىت جاقتاستارىن شاقىرىپ, اكەسى مەن بالاسىن, تۋىس اعاسىن سوققىعا جىققان. ءبىر توپ جىگىت ءجاسوسپىرىمدى تەپكىلەپ جاتقانىن ماڭايداعى تۇرعىندار ۆيدەوعا ءتۇسىرىپ العان. 10-شى سىنىپتا وقيتىن شەرزات بولات اتا-اناسىنىڭ دۇكەنىنە كەزدەيسوق كەلگەن. سۋىق قارۋمەن كەلگەن بۇزاقىلار ەشكىمدى اياماپتى.

پروكۋراتۋرا تالعارداعى ءجاسوسپىرىمنىڭ ولىمىنە قاتىستى مالىمدەمە جاساپ, «ءادىل تەرگەۋگە كەپىلدىك بەرەمىز» دەپ اقپارات تاراتقان. الايدا تەرگەۋشىلەرگە سەنبەگەن مارقۇمنىڭ تۋعان-تۋىستارى كوشەگە شىعىپ, ادىلدىكتى تالاپ ەتتى. ولار سول ءتۇنى بولعان 13 ادامنىڭ ورنىنا 7 ادامنىڭ عانا قامالعانىنا نارازىلىق ءبىلدىردى. كوپ وتپەي مارقۇم سالتانات نۇكەنوۆانىڭ اعاسى, قۇقىققورعاۋشى ايتبەك امانگەلدى تالعاردا ولتىرىلگەن بوزبالانىڭ وتباسىنا تەگىن ادۆوكات تاۋىپ بەرەتىنى حابارلاندى.

بۇعان دەيىن قازا تاپقان ءجاسوسپىرىمنىڭ اكەسى بەينەباقىلاۋ كامەراسىنىڭ جازباسىن الدەكىمدەر ءوشىرىپ تاستاعانىن ايتقان ەدى. الايدا ءىىم ول مالىمەتتى جوققا شىعاردى. 9 قازاندا دەپۋتات نارتاي ارالباي ۇلى باس پروكۋرور بەرىك اسىلوۆقا, ىشكى ىستەر ءمينيسترى ەرجان سادەنوۆكە جانە وقۋ-اعارتۋ ءمينيسترى عاني بەيسەمباەۆقا دەپۋتاتتىق ساۋال جولداپ, 16 جاسار ازاماتتى ولتىرگەن, جاقىندارىن اياۋسىز ساباعان قىلمىسكەرلەر قاماۋعا الىنىپ, ولارعا زاڭعا سايكەس ءادىل جازا بەرىلۋى ءتيىس دەپ ماسەلە كوتەردى. ال ونىڭ ارىپتەسى ابزال قۇسپان قىلمىستىق كودەكستىڭ 201-بابىن (سوتقا دەيىنگى تەرگەپ-تەكسەرۋ دەرەكتەرiن جاريا ەتۋگە جول بەرمەۋ) وزگەرتۋ كەرەك دەپ ەسەپتەيدى. بۇل قاجەتتىلىك ونىڭ سوزىنشە, تالعارداعى ءجاسوسپىرىمنىڭ ولىمىنەن كەيىن ايقىن سەزىلگەن.

Ulysmedia.kz كۇدىكتىلەردىڭ ءبىرى تاياۋدا قىلمىستىق جاۋاپكەرشىلىككە تارتىلىپ, جازاسىن وتەۋى كەرەك بولعانىن, ەكىنشى كۇدىكتى جاۋاپكەرشىلىكتەن جالتارىپ كەتكەنىن انىقتاعان ەدى.