Úıge qaıtaryp jiberdi: Tanymal dáriger aq halattylardyń qolynan qaza tapty

Foto: Ashyq derekkóz

Pavlodar oblysynyń tanymal kombýstıolog-dárigeri Marat Qanjygalın 11 qańtarda Astanada qaıtys boldy, dep habarlaıdy qandastar.kz ALASH.KZ-ke silteme jasap.

Newtimes.kz málimetinshe, marqumnyń jubaıy bul jaǵdaıǵa baılanysty Prezıdentke vıdeoúndeý joldady.

Áıeliniń aıtýynsha, onyń kúıeýi dárigerlerdiń salǵyrttyǵynan kóz jumǵan.

Belgili dárigerdiń áıeli Gúlnár Tóhmetova Instagram jelisinde vıdeoúndeý jarııalap, tragedııaǵa alyp kelgen oqıǵa qalaı bolǵanyn jan-jaqty baıandap berdi.

«О́tken jyldyń 16 jeltoqsanynda kúıeýimdi ınsýlt bolýy múmkin degen kúdikpen aýrýhanaǵa jatqyzdy. Alaıda qabyldaý bólimindegi dárigerler tekseristen keıin ony úıine jiberip, ol úıine jete almady», – dedi ol.

Gúlnár Tóhmetovanyń aıtýynsha, jansaqtaý bóliminde jatqan kezinde Marat Qanjygalın aýyr bas-mı jaraqatyn alǵan.

Osy jaraqattan keıin ol 26 kún komada jatqan. Jesiriniń aıtýynsha, dárigerler bul oqıǵa týraly polıııaǵa habarlamaǵan, bul – ereje boıynsha mindetti.

Qylmystyq is tek naýqas qaıtys bolǵannan keıin ǵana qozǵalǵan. Áıeldiń sózine qaraǵanda, aldymen medıınalyq mekeme basshylyǵy beınejazbalar 10 kún saqtalady dese, keıinnen dárigerlik qupııaǵa siltegen.

Otbasy Bas prokýratýraǵa, Densaýlyq saqtaý mınıstrligine jáne Medıınalyq jáne farmaevtıkalyq baqylaý komıtetine shaǵymdanǵan.

Alaıda, áıeliniń aıtýynsha, bul mekemeler tek resmı jaýappen shektelip, bas dáriger kezdesýden jaltaryp júr.

Densaýlyq saqtaý mınıstrligi bul jaǵdaıǵa baılanysty túsinikteme berýden bas tartty, sebebi tergeý qupııasyna jatatyn málimetter bar.