جاڭالىقتار
«ۇيگە تابىتپەن كەلدى». جامبىل وبلىسىندا دارىگەرلەردىڭ ادام ولىمىنە سەبەپشى بولىپ, كەيىن ءىستى ايلا-قۋلىقپەن شەشپەك بولعانى حابارلاندى
فوتو: اشىق دەرەككوز
جامبىل وبلىسى, جۋالى اۋدانىنىڭ اۋرحاناسىنا توكسيكوزبەن تۇسكەن ايگۇل ايتۋعانقىزىنىڭ قايتىس بولدى. مارقۇم مەديتسينالىق مەكەمەدە 12 كۇن جاتقاننان كەيىن جۇمباق جاعدايدا جان تاپسىرعان. بۇل جايلى Alash.kz ۇلتتىق پورتالىجازدى.
تۋىستارى مارقۇمنىڭ دارىگەرلەر قاتەلىگىنەن قازا تاپقانىن ايتادى. ولار تاۋەلسىز سوت-مەديتسينالىق ساراپتامانىڭ ناتيجەسىن كۇتىپ وتىر.
اۋرۋحانا دارىگەرلەرى بولعان جاعدايعا وزدەرىن كىنالى سانامايتىنىن جەتكىزگەن. پوليتسيا تاراپىنان ەش ارەكەت بولماعان. بۇل تۋرالى ۆرەميا باسىلىمى جازدى.
Stan.kz اقپاراتتىق اگەنتتىگىنىڭ حابارلاۋىنشا, ءتورتىنشى رەت انا اتانعالى وتىرعان ناۋقاستى گينەكولوگيا ءبولىمىنىڭ باسشىسى زاميرا اشيلوۆا 8 قاڭتار كۇنى ءوز بولىمىنە ورنالاستىرعان. كەيىن ول ناۋقاسقا “كسيلول” دەگەن دارىلىك زات الدىرتۋدى تاپسىرعان. ايگۇل ءدارىنى كۇيەۋىنە العىزباق بولعان. الايدا پەرەپاراتتى ساتىپ الۋعا بارعاندا دارىحاناداعىلار “كسيلولدىڭ” حيميالىق زات ەكەنىن ايتقان. سونداي-اق فارماتسەۆت ەر ادامنان ءدارىنىڭ اتاۋىن تاعى ءبىر ناقتىلاپ الۋىن سۇراعان. ماماننىڭ “مۇمكىن كسيلات بولار?” دەگەن بولجامى راستالىپ, ايگۇلدىڭ كۇيەۋى ءدارىنى ايەلىنە اپارىپ بەرگەن. ول 14 قاڭتار كۇنى ايەلىنە ءۇش بوتەلكە “كسيلات” الىپ, ونى مەديتسينا قىزمەتكەرلەرى ارقىلى بەرىپ جىبەرگەن. كەيىن ايگۇل تاعى “تسەرۋكال” پرەپاراتىن الدىرتۋىن سۇراتقان.
“مەن كەلىپ, وعان بىرنەشە رەت حابارلاستىم. ول تۇتقانى المادى. ادەتتە ول ويتپەيتىن. سويتسەم ونىڭ جاعدايى ناشارلاپ, جانساقتاۋ بولىمىنە اۋىستىرىپتى. ءۇش رەت جۇرەگى توقتاپ قالعان. تارازدان ساناۆياتسيا شاقىرتىپتى. ال بۇل تۋرالى بىزگە ەشتەڭە ايتپاعان”, – دەيدى ايگۇلدىڭ كۇيەۋى.
مارقۇمنىڭ جاقىندارى دارىگەرلەردەن قاتە كەتكەنىن ءتۇسىنىپ, ولاردان ەمدەۋ حاتتاماسىن سۇراعان. الايدا دارىگەرلەر بەرمەي قويعان. كەيىن “كسيلاتتىڭ” توكسيكوزدى ەمدەۋگە قولدانىلمايتىنى بەلگىلى بولدى. ال دارىگەرلەر پرەپاراتتى ەمدىك ماقساتتا قولدانباعانىن, ءتىپتى ءۇش بوتەلكەنىڭ اشىلماعانىن ايتىپ, سۋرەتكە ءتۇسىرىپ جىبەرگەن.
مارقۇمنىڭ جاقىندارى دارىگەرلەردەن قاتە كەتكەنىن ءتۇسىنىپ, ولاردان ەمدەۋ حاتتاماسىن سۇراعان. الايدا دارىگەرلەر بەرمەي قويعان. كەيىن “كسيلاتتىڭ” توكسيكوزدى ەمدەۋگە قولدانىلمايتىنى بەلگىلى بولدى. ال دارىگەرلەر پرەپاراتتى ەمدىك ماقساتتا قولدانباعانىن, ءتىپتى ءۇش بوتەلكەنىڭ اشىلماعانىن ايتىپ, سۋرەتكە ءتۇسىرىپ جىبەرگەن.
كۇيەۋىنىڭ ايگۇلگە جىبەرگەن سۋرەتىندەگى “كسيلات” پەن دارىگەرلەر جىبەرگەن سۋرەتتەگى “كسيلاتتىڭ” ايىرماشىلىعى بار بولىپ شىقتى. ەر ادام ساتىپ العان ءدارىنىڭ سەرياسى AV 212/1-1, جارامدىلىق مەرزىمى 27.10.2024 جىلعا دەيىن, ال دارىگەرلەر جىبەرگەن پرەپاراتتىڭ سەرياسى AV 13/1-2, ونىڭ جارامدىلىعى 31.01.2025 جىلعا دەيىن جەتەدى. وسىلايشا دارىگەرلەر پرەپاراتتى اۋىستىرىپ قويعان.
“ايگۇل اۋرۋحاناعا تۇسكەن سوڭ 12-كۇنى قايتىس بولدى. ونى گينەكلوگتان باسقا ەشقانداي دارىگەر قاراعان جوق. بىزگە بەرگەن العاشقى قورىتىندى بويىنشا, “ونىڭ اسقازانىنان نيتريتتەر تابىلىپ, ۋلانىپ قايتىس بولدى” دەلىنگەن. بىراق ونىڭ اسقازانىنان دا, قانىنان دا, باسقا دەنە مۇشەلەرىنەن دە نيتريت تابىلمادى. اۋداندىق اۋرۋحاناداعى مەديتسينا قىزمەتكەرلەرى دۇرىس ەم-دوم جاساماعاندىقتان ءسىڭلىم قايتىس بولدى دەپ ويلايمىن. “كسيلاتتان” كەيىن تاۋەلسىز سوت-مەديتسينالىق ساراپتاما جاساتتىق. قازىر سونىڭ ناتيجەسىن كۇتىپ ءجۇرمىز”, – دەيدى ايگۇلدىڭ اپكەسى مانشۇك مامبەتوۆا.
وبلىستىق پوليتسيا دەپارتامەنتى جۋالى اۋدانى ورتالىق اۋداندىق اۋرۋحاناسىندا ناۋقاستىڭ قايتىس بولۋ فاكتىسى بويىنشا مەديتسينا قىزمەتكەرلەرىنە قاتىستى قىلمىستىق كودەكستىڭ 317-بابى 3-بولىگىنە سايكەس («مەديتسينا نەمەسە فارماتسەۆتيكا قىزمەتكەرىنىڭ كاسىبي مىندەتتەرىن تيىسىنشە ورىنداماۋى, ابايسىزدا ادام ولىمىنە اكەپ سوعۋ») ءىس تەرگەلىپ جاتقانىن مالىمدەدى. ايتۋىنشا, قاجەت ساراپتامالار تاعايىندالعان.
بۇل جاعداي بويىنشا تالداۋ ءجۇرىپ, گينەكولوگيا ءبولىمىنىڭ مەڭگەرۋشىسى زارينا اشيلوۆا سوگىس الدى. قازىر زارينا اشيلوۆانىڭ زەينەتكە شىعۋىنا بايلانىستى, ول قىزمەتتەن كەتتى.
“ۇلكەن قىزى اناسىنىڭ جوعىن تۇسىنەدى. جاسى نەبارى 8-دە بولسا دا, ەرتە ەسەيىپ كەتتى. ءسىڭلىمدى 20 قاڭتار كۇنى جەرلەدىك, 21 كۇنى ونىڭ ۇلى ەكى جاسقا تولدى. ايگۇلدىڭ 4 جاستاعى قىزى مەن ۇلى اناسىن ىزدەپ, سۇرايدى”, – دەيدى مانشۇك مامبەتوۆا.
سونداي-اق اۋداندىق اۋرۋحانانىڭ دارىگەرلەرى ايگۇلدىڭ كۇيەۋىنە ەمەس, اتا-اناسىنا بارىپ, شۋ شىعارماۋىن سۇراپ, ماتەريالدىق كومەك ۇسىنعان. الايدا وتباسى بۇدان باس تارتقان.
