«Úıimde bólmesi bar»: Jeńis Ysqaqovany akter Ǵanı Quljanovpen ne baılanystyrady?

Foto: ashyq derekkóz

Ánshi Jeńis Ysqaqova qyz ben jigittiń arasyndaǵy dostyqtyń bolatynyn, oǵan óziniń akter Ǵanı Quljanovpen 40 jyldan beri dos bolyp júrgeni dálel ekenin aıtty.

Ǵanı Quljanov degen dosymnyń úıindemin. Meniń 20 jyl burynǵy konertime shaqyrý bıletimdi saqtapty. «Ánim sen ediń» degen shyǵarmashylyq keshimde shaqyrtý jibergen bolatynmyn. Mine, naǵyz dostyq! Qanshama úı almastyryp, páter jaldap júrse de qoqys bolyp bir buryshta qalmapty. Qyz ben jigittiń dostyǵy degen osy emes pe? – dedi ánshi Instagram-daǵy paraqshasynda.

Sondaı-aq ol dosyna qatysty túrli ósek estigenin de jasyrmady.

Meniń úıimde Ǵanıdyń bólmesi bar. Astanada turǵanymen, Almatyǵa jıi keledi. Sol kezde bizdiń úıge kelip, bólmesinde demalady. Ekeýmiz týraly halyq neshetúrli áńgime aıtqan. Meni Ǵanıdy otbasynan ajyratyp, qolyna kirgizip aldy dep ósek taratqan. Ondaı jaǵdaılar bolǵan emes. Bizdiń dostyǵymyz 40 jylǵa taıady, – dedi óner ıesi.