ءۇيىن جالعا بەرەتىندەرگە مەملەكەتتەن قاتاڭ تالاپ قويىلدى

قازاقستاندا ءۇيىن, پاتەرىن نەمەسە باسقا دا مۇلكىن جالعا بەرىپ جۇرگەن ازاماتتار ءۇشىن جاڭا مىندەت ەنگىزىلدى, دەپ حابارلايدى qandastar.kz

بۇدان بىلاي جالعا بەرۋدەن تۇسكەن تابىس جاسىرىن قالمايدى. مەملەكەت ءاربىر تيىندى باقىلاۋعا الماق.

بۇرىن پاتەرىن جالعا بەرگەن كوپتەگەن ادامدار تابىسىن كورسەتپەي, جاسىرىن پايدا تاۋىپ كەلدى. ەندى ونداي مۇمكىندىك جوق. ءار جالعا بەرۋشى 270 نىسانداعى ارنايى دەكلاراتسيا تولتىرىپ, مەملەكەتكە وتكىزۋگە مىندەتتى. بۇل قۇجاتتا جالعا بەرۋدەن تۇسكەن تابىستىڭ كولەمى كورسەتىلەدى. ەگەر ازامات ۋاقىتىلى تاپسىرماسا, ايىپپۇل سالىنادى.

مامانداردىڭ ايتۋىنشا, بۇل تالاپ تەك پاتەرگە عانا ەمەس, باسقا دا م ۇلىككە قاتىستى. ياعني گاراجىن, كولىگىن نەمەسە اۆتوتۇراق ورنىن جالعا بەرگەندەر دە تابىسىن دەكلاراتسياعا ەنگىزۋگە ءتيىس. سونداي-اق باعالى قاعازداردان پايدا تاپقان ازاماتتار مەن جەكە تاجىريبەمەن اينالىساتىندار دا ەسەپ بەرۋدەن قاشىپ قۇتىلا المايدى.

ەڭ باستىسى – دەكلاراتسيانى العاش رەت تاپسىراتىندار «باستاپقى» نۇسقاسىن تاڭدايدى. ال جىل سايىنعى ەسەپ بەرۋشىلەر ءۇشىن «كەزەكتى» نۇسقاسى بار. بارلىق اقپارات «سالىق تولەۋشى كابينەتى», eGov نەمەسە e-Salyq Azamat قوسىمشاسى ارقىلى ونلاين قابىلدانادى.

Skifnews.kzاقپارات پورتالى جازعانداي,  مەملەكەت تابىس كوزدەرىن اشىق ەتۋ ارقىلى كولەڭكەلى ەكونوميكانى ازايتۋدى كوزدەپ وتىر. «ءۇيىن جالعا بەرىپ جۇرگەن ازاماتتار ەندى سالىقتان جالتارا المايدى. بارلىعى زاڭدى جولمەن كورسەتىلۋى ءتيىس», – دەيدى ساراپشىلار.

ۋاقىت شەكتەۋلى. بارلىق ازاماتتار 15 قىركۇيەككە دەيىن دەكلاراتسيا تاپسىرىپ ۇلگەرۋى كەرەك. ەگەر كورسەتىلگەن مەرزىمدە ورىنداماسا, ايىپپۇل سالىنىپ, قوسىمشا جاۋاپكەرشىلىك جۇكتەلەدى.

بۇل وزگەرىس الەۋمەتتىك جەلىدە ۇلكەن تالقىلاۋ تۋدىردى. ءبىرى «ادىلەتتى شەشىم» دەسە, ەندى ءبىرى «قوسىمشا اۋىرتپالىق» دەپ باعالاپ وتىر. بىراق مامانداردىڭ ايتۋىنشا, زاڭ بارىنە بىردەي. سوندىقتان پاتەرىن جالعا بەرىپ جۇرگەن ءار ادام جاڭا تالاپتان قاشىپ قۇتىلا المايدى.