Úıin jalǵa beretinderge memleketten qatań talap qoıyldy

Qazaqstanda úıin, páterin nemese basqa da múlkin jalǵa berip júrgen azamattar úshin jańa mindet engizildi, dep habarlaıdy qandastar.kz

Budan bylaı jalǵa berýden túsken tabys jasyryn qalmaıdy. Memleket árbir tıyndy baqylaýǵa almaq.

Buryn páterin jalǵa bergen kóptegen adamdar tabysyn kórsetpeı, jasyryn paıda taýyp keldi. Endi ondaı múmkindik joq. Ár jalǵa berýshi 270 nysandaǵy arnaıy deklaraııa toltyryp, memleketke ótkizýge mindetti. Bul qujatta jalǵa berýden túsken tabystyń kólemi kórsetiledi. Eger azamat ýaqytyly tapsyrmasa, aıyppul salynady.

Mamandardyń aıtýynsha, bul talap tek páterge ǵana emes, basqa da múlikke qatysty. Iaǵnı garajyn, kóligin nemese avtoturaq ornyn jalǵa bergender de tabysyn deklaraııaǵa engizýge tıis. Sondaı-aq baǵaly qaǵazdardan paıda tapqan azamattar men jeke tájirıbemen aınalysatyndar da esep berýden qashyp qutyla almaıdy.

Eń bastysy – deklaraııany alǵash ret tapsyratyndar «Bastapqy» nusqasyn tańdaıdy. Al jyl saıynǵy esep berýshiler úshin «Kezekti» nusqasy bar. Barlyq aqparat «Salyq tóleýshi kabıneti», eGov nemese e-Salyq Azamat qosymshasy arqyly onlaın qabyldanady.

Skifnews.kzaqparat portaly jazǵandaı,  memleket tabys kózderin ashyq etý arqyly kóleńkeli ekonomıkany azaıtýdy kózdep otyr. «Úıin jalǵa berip júrgen azamattar endi salyqtan jaltara almaıdy. Barlyǵy zańdy jolmen kórsetilýi tıis», – deıdi sarapshylar.

Ýaqyt shekteýli. Barlyq azamattar 15 qyrkúıekke deıin deklaraııa tapsyryp úlgerýi kerek. Eger kórsetilgen merzimde oryndamasa, aıyppul salynyp, qosymsha jaýapkershilik júkteledi.

Bul ózgeris áleýmettik jelide úlken talqylaý týdyrdy. Biri «ádiletti sheshim» dese, endi biri «qosymsha aýyrtpalyq» dep baǵalap otyr. Biraq mamandardyń aıtýynsha, zań bárine birdeı. Sondyqtan páterin jalǵa berip júrgen ár adam jańa talaptan qashyp qutyla almaıdy.