جاڭالىقتار
ۇيىنە قوقىس جيناعان: اتىراۋدا پاتەردەن ەر ادامنىڭ ءمايىتى تابىلدى
فوتو: oka.fm
اتىراۋ قالاسىنداعى كوپقاباتتى ۇيلەردىڭ بىرىندە 60 جاستاعى ەر ادامنىڭ ءمايىتى ونىڭ قوقىسقا تولى پاتەرىنەن تابىلدى. كورشىلەر بىرنەشە كۇننەن بەرى ۇيدەن تاراعان جاعىمسىز يىسكە شىداي الماي, پوليتسيا شاقىرعان. كەيىن ەر ادامنىڭ بىرنەشە كۇن بۇرىن كوز جۇمعانى انىقتالدى, دەپ حابارلايدى qandastar.kz اقپاراتتىق پورتالى Atyrau online Telegram-ارناسىنا سىلتەمە جاساپ.
مارقۇمنىڭ كورشىلەرىنىڭ ايتۋىنشا, ول جىلدار بويى ۇيىنە قوقىس جيناعان. قايعىلى جاعدايدان كەيىن كىرەبەرىس ادام توزگىسىز يىسكە تولىپ, تۇرعىندار ءوز بەتتەرىنشە قاراجات جيناپ, قالدىقتاردى شىعارۋ ءۇشىن جۇمىسشىلاردى جالداعان. الايدا, بارلىق قوقىس سىرتقا شىعارىلعانىمەن, ساسىق ءيىس ءالى دە كەتپەي وتىر.
اكىمدىك بۇل ماسەلەگە بايلانىستى تۇسىنىكتەمە بەرىپ, ارنايى بريگادا پاتەردى تازالاعانىن, ال سانيتارلىق-ەپيدەميولوگيالىق قىزمەتكە رەسمي حات دايىندالىپ جاتقانىن حابارلادى.
سانيتارلىق قىزمەتتەرگە رەسمي سۇراۋ جولدانادى. پاتەردى دەزينفەكتسيالاۋ دا جوسپارلانىپ وتىر, — دەدى قالا اكىمدىگىنىڭ ءباسپاسوز حاتشىسى عاسىربەك تولەگەن.
