«ءۇيىنىڭ الدىندا اڭدىپ, ايعايلاپ قورقىتتى»: روزا كوۋچ مەشىتتە ساقالدى ەركەك تيىسكەن قىز تۋرالى ەل بىلمەيتىن دەرەكپەن ءبولىستى

ورامالدى قىز تۋرالى ەل بىلمەيتىن اقپاراتپەن ءبولىستى, دەپ حابارلادى Qandastar.kz

كوۋچ وقيعاعا قاتىستى تىڭ دەرەكپەن جەلىدەگى پاراقشاسىندا ءبولىستى. 

«سوعىس بولسا ايەل مەن بالانى بىزدەن باسقا كىم قورعايدى? — دەگەن سوزدەردى ءبارىمىز ەستيمىز.

ەممانۋەللا ءوزىنىڭ ارىن, جانىن, نامىسىن قورعاۋ ءۇشىن بولعان جايتتى ۆيدەوعا ءتۇسىرىپ, دالەلدەپ, قىلمىسكەردى سوتتاتتى ءوزى.

بەيبىت زاماندا, تال تۇستە مەشىتتە, ورامالدى ۇزىن ەتەكتى قىزدى ەشكىم قورعاعان جوق قوي. قايدا ءبارى?

قىزىقتىڭ كوكەسى سودان كەيىن باستالدى — جاڭاعى قىلمىسكەردىڭ دوستارى, 23 جاسار قارشاداي قىزدى كۇندىز-ءتۇنى ءۇيىنىڭ الدىندا اڭدىپ, ايقايلاپ قورقىتتى.

سوندا ءبىر توپ ەركەك سوقتالداي ءبىر ەركەكتى قورعاپ جاتىر ما? كىمنەن? قىزدان با?

ونى قويشى, “ۇستازدار”, بلوگەرلەر مەن انشىلەر جاڭاعى قىلمىسكەر جىگىتتىڭ جانىنا شىعىسىپ, 23 جاسار ورىمدەي قىزعا قارسى شىققانى قالاي كەتتى?

مەن تۇسىنبەدىم, ەركەكتەر قىزدى قىسىمنان قورعاۋدىڭ ورنىنا, ءبىر قىزعا توپ بولىپ جابىلاتىنداي نە باستارىڭا كۇن تۋدى?», — دەپ جازدى بلوگەر.