«ۇيقىدان ويانباي قالعان»: راحات اليەۆتىڭ اناسى قايتىس بولدى

داريعا نازارباەۆانىڭ ءبىرىنشى كۇيەۋى راحات اليەۆتىڭ اناسى دۇنيەدەن وزدى. بۇل تۋرالى نازارباەۆانىڭ ۇلى نۇرالى اليەۆ جەلىدەگى پاراقشاسىندا حابارلادى, — دەپ جازادى qandastar.kz Skifnews.kz اقپارات پورتالىنا سىلتەمە جاساپ.

«بۇگىن مەنىڭ سۇيىكتى اجەم انيكا (ميناۆار قاديشقىزى) ءبىزدى تاستاپ, كوككە كەتتى.  ول مەن ءۇشىن ەرەكشە جان بولدى. مەن ونىڭ جانىندا ەڭ كەرمەت بالالىق شاعىمدى وتكىزدىم. ول مەنىڭ تاربيەمدە ۇلكەن ءرول اتقاردى جانە ءومىرىمدى ۇمىتىلماس ماحابباتقا تولتىردى. وتكەن اپتادا مەن ونىمەن ۇيدە ەكى كۇن بىرگە بولۋ باقىتىنا يە بولدىم. بۇگىن تاڭەرتەڭ ونىڭ تۇندە ۇيقىدان ويانباي قالعانىن ەستىدىم», — دەپ جازدى مارقۇمنىڭ نەمەرەسى.

ايتا كەتەيىك, داريعا نازارباەۆا راحات اليەۆتەن ءۇش بالا دۇنيەگە اكەلدى. 2007 جىلى نازارباەۆتىڭ قىزى راحات اليەۆتەن اجىراسىپ كەتتى.