«Uıqydan oıanbaı qalǵan»: Rahat Álıevtiń anasy qaıtys boldy

Darıǵa Nazarbaevanyń birinshi kúıeýi Rahat Álıevtiń anasy dúnıeden ozdy. Bul týraly Nazarbaevanyń uly Nuraly Álıev jelidegi paraqshasynda habarlady, — dep jazady qandastar.kz Skifnews.kz aqparat portalyna silteme jasap.

«Búgin meniń súıikti ájem Anıka (Mınavar Qadıshqyzy) bizdi tastap, kókke ketti.  Ol men úshin erekshe jan boldy. Men onyń janynda eń kermet balalyq shaǵymdy ótkizdim. Ol meniń tárbıemde úlken ról atqardy jáne ómirimdi umytylmas mahabbatqa toltyrdy. О́tken aptada men onymen úıde eki kún birge bolý baqytyna ıe boldym. Búgin tańerteń onyń túnde uıqydan oıanbaı qalǵanyn estidim», — dep jazdy marqumnyń nemeresi.

Aıta keteıik, Darıǵa Nazarbaeva Rahat Álıevten úsh bala dúnıege ákeldi. 2007 jyly Nazarbaevtyń qyzy Rahat Álıevten ajyrasyp ketti.