«ۇيىقتاي المادىم». قىزمەتتەن كەتكەن مەكتەپ ديرەكتورى ەل ەستىمەگەن شىندىقتى ايتتى

الەۋمەتتىك جەلىدە ءوزىنىڭ ترەند ۆيدەولارىمەن تانىمال بولعان مەكتەپ ديرەكتورى اقمونشاق نۇرتازاقىزى ءوزىن قولداپ جاتقان وقىرماندارىنا العىسىن ءبىلدىرىپ, مالىمدەمە جاسادى, دەپ جازدى Qandastar.kz

«مىڭداعان ادامنىڭ قولداۋىن سەزىنىپ, ۇيىقتاي المادىم. مەن سىزدەرمەن بىرگەمىن», – دەپ جازدى اقمونشاق نۇرتازاقىزى.

ەستەرىڭىزگە سالا كەتەيىك, بۇعان دەيىن استانا قالاسىنداعى №58 مەكتەپ-گيمنازياسىنىڭ ديرەكتورى قىزمەتىنەن كەتكەنىن مالىمدەگەن بولاتىن.

ء«بارىن توقتاتتىم. مەكتەپ. قىزمەت. الەۋمەتتىك جەلى. كەلەسى قادام?» – دەپ جازدى اقمونشاق نۇرتازاقىزى.

كەيىن مەكتەپ ديرەكتورى الەۋمەتتىك جەلىدەگى بەلسەندىلىگىن توقتاتپايتىنىن ايتىپ, جاقتى جاڭالىقتارىن ءبولىستى.

“كىشكەنە ءۇزىلىس الىپ, پاراقشامدا نە جازاتىنىم تۋرالى ويلانىپ ءجۇر ەدىم…

قازىر بۇرىنعىداي بەلسەندى ەمەسپىن, بىراق الدا بۇل پاراقشادا باسقاشا فورماتتاعى, جاڭا باعىتتاعى كونتەنت بولادى.

ويتكەنى مەن بۇل پاراقشاعا جاي عانا كونتەنت سالىپ, وقىرمان سانىن كوبەيتىپ, ترەند قۋىپ وتىراتىن بلوگەر بولعىم كەلمەيدى.

مەن ءۇشىن بۇل – ميسسياسى بار پاراقشا.

ءيا, ءدال سولاي. ءوز ميسسيامدى تاپقان سياقتىمىن.

مەن ۇستازدى شابىتتاندىراتىن, وقۋشىنى ەستيتىن, اتا-اناعا باعىت بەرەتىن, قازىرگى بۋىنمەن بايلانىس ورناتا الاتىن پاراقشا جۇرگىزگىم كەلەدى.

ءبىراز ۋاقىت بۇرىن بارلىعى سول قالپىندا بولعانىمەن, مەنىڭ ىشكى دۇنيەم وزگەرىپ كەتتى.

سول سەبەپتى, ەندى پاراقشامدا جاڭا دۇنيەلەر باستالماق.

كۇتەمىن”,- دەپ جازدى جاڭاشىل ديرەكتور.