ۇيىمداسقان قىلمىسقا قارسى كۇرەس: 150-دەن استام كريميناليتەت جاۋاپقا تارتىلدى

فوتو: ءىىم

ىشكى ىستەر مينيسترلىگى ۇيىمداسقان قىلمىسقا قارسى ءىس-قيمىل بويىنشا كەشەندى شارالار قابىلداپ كەلەدى. ۇيىمداسقان قىلمىستىق توپ قۇرۋ, باسشىلىق ەتۋ جانە قاتىسۋ فاكتىلەرى بويىنشا بيىل 36 قىلمىستىق ءىس تىركەلدى, ونىڭ ىشىندە ۇشەۋى ترانسۇلتتىق توپتار بويىنشا, – دەپ حابارلايدى qandastar.kz zakon.kz-كە سىلتەمە جاساپ.

لاردى قارجىلاندىرۋ جانە قىلمىستىق جولمەن الىنعان م ۇلىكتى زاڭداستىرۋ فاكتىلەرى تەرگەلىپ جاتىر.

قىلمىستىق كودەكستىڭ ءارتۇرلى باپتارى بويىنشا 150-دەن استام كريميناليتەت وكىلدەرى جاۋاپقا تارتىلدى.

– تاياۋ شەت ەلدەردىڭ قۇقىق قورعاۋ ورگاندارىمەن ءوزارا ءىس-قيمىل جاساي وتىرىپ, شەتەلدىك قىلمىستىق ەلەمەنتتەرگە توسقاۋىل قويىلدى. ولاردىڭ ءبىزدىڭ ەلگە ەنۋ ارەكەتتەرى دەر كەزىندە توقتاتىلدى. قازاقستان اۋماعىندا ولاردىڭ قاتىسۋىمەن قىلمىستىق قاقتىعىستارعا جول بەرىلمەدى. ۇقك-مەن بىرلەسىپ, شىمكەنت قالاسىندا, قاراعاندى جانە قىزىلوردا وبلىستارىندا اسا قاۋىپتى ءتورت قىلمىستىق توپ وكىلدەرىنىڭ قىزمەتى توقتاتىلدى, – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.

قارجى مونيتورينگى اگەنتتىگىمەن بىرگە ۇيىمداسقان قىلمىستىق توپتاردى قارجىلاندىرۋعا جانە كولەڭكەلى ەكونوميكاعا قارسى شارالار قابىلدانىپ كەلەدى. مەملەكەتكە 11 ملرد تەڭگەدەن استام زالال كەلتىرگەن قۇقىق بۇزۋشىلىقتار انىقتالدى. 12,5 مىڭ ليتر جانە شامامەن 2 ملن بۋما اكتسيزسىز ونىمدەر, 5 توننادان استام بالىق جانە 5 مىڭنان استام اقبوكەن دەريۆاتتارى تاركىلەندى.

قۇرامىندا التىنى بار ماتەريالداردى قايتا وڭدەۋ بويىنشا 19 زاڭسىز تسەح جويىلىپ, ونداعان توننادان استام كەن تابىلدى. جاسوسپىرىمدەر اراسىندا قىلمىستى بولدىرماۋعا ەرەكشە نازار اۋدارىلادى. مەكتەپ, كوللەدج جانە جوعارى وقۋ ورىندارى جاستارىنان اقشا بوپسالاپ, بۇزاقىلىق جاساعان جانە قارۋ ساقتاۋمەن اينالىسقان 19 توپتىڭ جولى كەسىلدى.

– نەگىزگى باعىت قالا قۇراۋشى كاسىپورىندار مەن تاۋ-كەن بايىتۋ كومبيناتتارىنىڭ مۇلكىن ۇرلاۋمەن بايلانىستى توپتاردىڭ قىلمىستىق ارەكەتىنىڭ جولىن كەسۋ بولىپ قالا بەرەدى. ۇلتتىق قاۋىپسىزدىك كوميتەتى جانە مەملەكەتتىك كۇزەت قىزمەتىمەن بىرلەسىپ, كومپانيالاردىڭ جۇمىسكەرلەرىمەن ءسوز بايلاسىپ, كاسىپورىنداردىڭ, ونىڭ ىشىندە «Qarmet», «قازاقمىس», «قازاقالتىن» التىندارىن, مەتالل سىنىقتارىن جانە باسقا دا ونىمدەرىن ۇرلاۋ بويىنشا زاڭسىز سحەمالارىن جاساعان بىرنەشە قىلمىستىق توپتاردى ۇستاۋ جۇرگىزىلدى. قىلمىستىق ىستەردىڭ, ونىڭ ىشىندە ۇيىمداسقان قىلمىستىق توپ قۇرۋ, باسشىلىق ەتۋ جانە قاتىسۋ فاكتىلەرى بويىنشا ونداعان ەپيزودتار تەرگەلۋدە, – دەدى قۋاندىق الپىس.

مۇددەلى مەملەكەتتىك ورگاندارمەن بىرلەسىپ, ادام ساۋداسىنا جانە ونىمەن بايلانىستى قۇقىق بۇزۋشىلىقتارعا قارسى ءىس-قيمىل بويىنشا دايەكتى جۇمىس جۇرگىزىلۋدە.

ادام ساۋداسىنىڭ 137 فاكتىسى, ونىڭ ىشىندە 9 ادام ۇرلاۋ جانە قاناۋ ماقساتىندا زاڭسىز باس بوستاندىعىنان ايىرۋ جاعدايلارى انىقتالىپ, جولى كەسىلدى. 5 شىلدەدە مەملەكەت باسشىسى «قازاقستان رەسپۋبليكاسىندا ادام ساۋداسىنا قارسى ءىس-قيمىل تۋرالى» زاڭعا قول قويدى, ول بۇرىن زاڭنامالىق دەڭگەيدە قۇقىق بۇزۋشىلىق رەتىندە قاراستىرىلماعان ارەكەتتەر ءۇشىن جاۋاپكەرشىلىكتى كوزدەيدى.

جالپى اتالعان باعىتتار بويىنشا جۇمىس ۆەدومستۆو باسشىلىعىنىڭ ەرەكشە باقىلاۋىندا.