Uıymdasqan qylmysqa qarsy kúres: 150-den astam krımınalıtet jaýapqa tartyldy

Foto: IIM

Ishki ister mınıstrligi uıymdasqan qylmysqa qarsy is-qımyl boıynsha keshendi sharalar qabyldap keledi. Uıymdasqan qylmystyq top qurý, basshylyq etý jáne qatysý faktileri boıynsha bıyl 36 qylmystyq is tirkeldi, onyń ishinde úsheýi transulttyq toptar boıynsha, – dep habarlaıdy qandastar.kz zakon.kz-ke silteme jasap.

lardy qarjylandyrý jáne qylmystyq jolmen alynǵan múlikti zańdastyrý faktileri tergelip jatyr.

Qylmystyq kodekstiń ártúrli baptary boıynsha 150-den astam krımınalıtet ókilderi jaýapqa tartyldy.

– Taıaý shet elderdiń quqyq qorǵaý organdarymen ózara is-qımyl jasaı otyryp, sheteldik qylmystyq elementterge tosqaýyl qoıyldy. Olardyń bizdiń elge ený áreketteri der kezinde toqtatyldy. Qazaqstan aýmaǵynda olardyń qatysýymen qylmystyq qaqtyǵystarǵa jol berilmedi. UQK-men birlesip, Shymkent qalasynda, Qaraǵandy jáne Qyzylorda oblystarynda asa qaýipti tórt qylmystyq top ókilderiniń qyzmeti toqtatyldy, – dedi IIM uıymdasqan qylmysqa qarsy kúres departamentiniń basqarma bastyǵy Qýandyq Alpys.

Qarjy monıtorıngi agenttigimen birge uıymdasqan qylmystyq toptardy qarjylandyrýǵa jáne kóleńkeli ekonomıkaǵa qarsy sharalar qabyldanyp keledi. Memleketke 11 mlrd teńgeden astam zalal keltirgen quqyq buzýshylyqtar anyqtaldy. 12,5 myń lıtr jáne shamamen 2 mln býma akızsiz ónimder, 5 tonnadan astam balyq jáne 5 myńnan astam aqbóken derıvattary tárkilendi.

Quramynda altyny bar materıaldardy qaıta óńdeý boıynsha 19 zańsyz eh joıylyp, ondaǵan tonnadan astam ken tabyldy. Jasóspirimder arasynda qylmysty boldyrmaýǵa erekshe nazar aýdarylady. Mektep, kolledj jáne joǵary oqý oryndary jastarynan aqsha bopsalap, buzaqylyq jasaǵan jáne qarý saqtaýmen aınalysqan 19 toptyń joly kesildi.

– Negizgi baǵyt qala quraýshy kásiporyndar men taý-ken baıytý kombınattarynyń múlkin urlaýmen baılanysty toptardyń qylmystyq áreketiniń jolyn kesý bolyp qala beredi. Ulttyq qaýipsizdik komıteti jáne Memlekettik kúzet qyzmetimen birlesip, kompanııalardyń jumyskerlerimen sóz baılasyp, kásiporyndardyń, onyń ishinde «Qarmet», «Qazaqmys», «Qazaqaltyn» altyndaryn, metall synyqtaryn jáne basqa da ónimderin urlaý boıynsha zańsyz shemalaryn jasaǵan birneshe qylmystyq toptardy ustaý júrgizildi. Qylmystyq isterdiń, onyń ishinde uıymdasqan qylmystyq top qurý, basshylyq etý jáne qatysý faktileri boıynsha ondaǵan epızodtar tergelýde, – dedi Qýandyq Alpys.

Múddeli memlekettik organdarmen birlesip, adam saýdasyna jáne onymen baılanysty quqyq buzýshylyqtarǵa qarsy is-qımyl boıynsha dáıekti jumys júrgizilýde.

Adam saýdasynyń 137 faktisi, onyń ishinde 9 adam urlaý jáne qanaý maqsatynda zańsyz bas bostandyǵynan aıyrý jaǵdaılary anyqtalyp, joly kesildi. 5 shildede Memleket basshysy «Qazaqstan Respýblıkasynda adam saýdasyna qarsy is-qımyl týraly» Zańǵa qol qoıdy, ol buryn zańnamalyq deńgeıde quqyq buzýshylyq retinde qarastyrylmaǵan áreketter úshin jaýapkershilikti kózdeıdi.

Jalpy atalǵan baǵyttar boıynsha jumys vedomstvo basshylyǵynyń erekshe baqylaýynda.