“Úkili bala”: Emshiler tek eldiń aqshasyn qanaıdy

Foto: ashyq derekkóz

Belgili Erbolsyn Serikbaev jýrnalıst Aman Tasyǵanǵa suhbat berip, emshilerdiń 90 paıyzyn sharlatanǵa teńedi, dep habarlaıdy qandastar.kz

«Kezinde ózimde adam emdedim, kelgenin kelgendeı qabyldaısyń. Keıde saǵan naýqastyń qandaı hálde kelgeni mańyzdy emes, naýqastyń saǵan beretin múmkindikterine kóziń túsedi. Ol qazir kóp emshilerdiń basty kozyry deýge bolady.

Iaǵnı sen naýqastyń jazylyp ketýin emes, naýqastan qansha aqsha ala alamyn degen nıetpen jasaısyń. Biraq sen ony essiz kúıde jasaısyń. Sen onyń jaqsy bolyp ketýin qalaısyń, biraq ol naýqasqa seniń kómegiń tımeıdi, oǵan qazir mindetti túrde medıınalyq emderdiń qajettigin túsinip turasyń, biraq sen jańaǵy adamǵa emdelesiń dep aıtasyń. Ol degenimiz ótirik. Árıne, sońynda nátıje bolmaǵannan keıin renish paıda bola bastaıdy.

Sondyqtan men aıtamyn emshilerdiń 90 paıyzy tolyqtaı emshilik qasıetke ıe emes. Iaǵnı sharlatan dep aıtýǵa bolady. Emshilerdi eki nárse qurtady. Birinshisi araq, ekinshisi aqsha», deıdi ol.