Úkimet 5 jastaǵy balalardyń shotyna aqsha aýdarmaq

Foto: ashyq derekkóz

Májilis keıbir zańnamalyq aktilerge aqparat, qoǵamdyq damý, mádenıet jáne arhıv isteri salalaryndaǵy normalardyń artyq zańnamalyq reglamenttelýin bolǵyzbaý máseleleri boıynsha zań jobasyn birinshi oqylymda maquldady, dep habarlaıdy qandastar.kz  Skifnews.kz aqparat portalyna silteme jasap.

Qujatta «Keleshek» birińǵaı erikti jınaqtaý júıesiniń qyzmetin quqyqtyq retteýdi kózdeıtin normalar da qarastyrylǵan.

«Keleshektiń» baǵdarlamasyna qatysatyn árbir ata-anaǵa bankterde nemese ómirdi saqtandyrý kompanııasynda kez kelgen jastaǵy balasynyń atyna shot ashýǵa quqyǵy beriledi.

«5 jasqa tolǵan balalardyń shotyna memleket bıýdjetten 60 AEK, jetim balalarǵa 120 AEK mólsherinde birjolǵy bastapqy bilim berý kapıtalyn beredi. Ata-analar úshin balanyń shotyna jyl saıynǵy eń tómengi jarna talaptary bar. Ol áleýmettik jaǵynan osal otbasylardyń balalary úshin – 12 AEK jáne qalǵandaryna – 24 AEK. Jınaq barlyq bala úshin 5 paıyz, áleýmettik jaǵynan osal otbasylardyń balalary úshin 7 paıyz. Sondaı-aq banktiń nemese saqtandyrý kompanııasynyń belgilengen tabys kólemi úshin jyl saıynǵy memlekettik syılyqaqy alady», – delingen Májilis usynǵan málimette.

Eń tómengi jyldyq jarnaǵa qoıylatyn talaptar buzylǵan jaǵdaıda bastapqy bilim berý kapıtaly bıýdjetke qaıtarylýǵa tıis. Jınalǵan qarajatty elde nemese shetelde bilim alýǵa, turǵyn úı jaǵdaıyn jaqsartýǵa baǵyttaýǵa bolady.