Úkimet basshysy egin jınaý naýqanyn baqylaýda ustaýǵa shaqyrdy

Foto: primeminister.kz

Úkimet basshysy Oljas Bektenov egin jınaý naýqanyna daıyndyq máseleleri jóninde keńes ótkizdi. Jıynda aýyl sharýashylyǵy mınıstri, ekologııa jáne tabıǵı resýrstar, energetıka vıe-mınıstrleri, sondaı-aq Aqmola, Qostanaı, Soltústik Qazaqstan jáne Jambyl oblystarynyń ákimderi tyńdaldy.

Memleket basshysynyń tapsyrmasy boıynsha Úkimet bıylǵy kóktemgi egis jáne egin jınaý jumystaryn júrgizýge 580 mlrd teńge kóleminde rekordtyq qarajat bóldi. Aýyl sharýashylyǵy tehnıkasyn lızıngke satyp alýǵa baǵyttalǵan soma 5 esege ulǵaıtyldy.  Memleket tarapynan kórsetiletin qoldaý sharalaryn keńeıtý sharýalarǵa egis naýqanyn sátti ótkizýge múmkindik berdi.

Aýyl sharýashylyǵy mınıstrliginiń málimetinshe, Qazaqstanda jappaı egin jınaý jumystary tamyzdyń úshinshi onkúndiginde bastalady. Búgingi tańda aýyl sharýashylyǵy tehnıkasynyń daıyndyǵy 98%-dy quraıdy. Barlyǵy 149 myńnan astam traktor, 38 myń astyq jınaıtyn kombaın jáne 14 myń destelegish tartylatyn bolady.

Úkimet basshysy vıe-premer Serik Jumanǵarınniń basshylyǵymen tıisti mınıstrlikter, ákimdikter men sharýalar arasyndaǵy jumysty úılestirý men baqylaý úshin egin jınaý naýqanyn ótkizý jónindegi jedel shtab qurýdy tapsyrdy.

«Egindi sapaly jınap alý jáne saqtaý elimiz úshin erekshe mańyzǵa ıe. Týyndaıtyn barlyq máseleni kúndelikti pysyqtaý qajet. Bul tek mınıstrlikterge ǵana emes, ákimdikter men fermerlerdiń ózderine de qatysty. Aýyl sharýashylyǵy mınıstrligine oblystardyń ákimdikterimen birlesip, egin jınaý jumystaryn erekshe baqylaýda ustaýdy tapsyramyn. Dándi daqyldardy saqtaýdyń tıisti jaǵdaıyn qamtamasyz etý de mańyzdy», — dep atap ótti Oljas Bektenov.

Sharýalarǵa kúzgi dala jumystaryn júrgizýge 64 myń tonnadan astam jeńildigi bar dızel otyny jóneltildi. Bekitilgen kestege sáıkes, óńirlerge barlyǵy naryq baǵasynan tómen deńgeıde tirkelgen baǵa boıynsha shamamen 355 myń tonna jetkiziletin bolady. Dızel otynyn jetkizýdi baqylaý jáne ashyqtyǵyn qamtamasyz etý boıynsha sharalar qabyldandy.

Oljas Bektenov máseleni turaqty baqylaýda ustaýdy mindettedi, qajettilik týyndaǵan jaǵdaıda – sharýalarǵa astyqty keptirýge dızel otynynyń qosymsha kólemi bólinedi.

Respýblıkada astyq saqtaýdyń jalpy syıymdylyǵy 30 mln tonnany quraıdy, bul boljanyp otyrǵan egin kólemin saqtaýǵa jetkilikti. Sonymen qatar jekelegen astyq qoımalarynyń júktemesi áli kúnge joǵary bolyp otyr.

Premer-Mınıstr elevatorlardy ótken jylǵy egin qaldyqtarynan 10 qyrkúıekke deıin bosatýdy tapsyrdy. Oblystardyń ákimdikteri Básekelestikti qorǵaý jáne damytý agenttigimen birlesip, elevatorlar qyzmeti baǵasynyń negizsiz ósýine jol bermeýi tıis.

О́ndirilgen AО́K ónimderin, onyń ishinde negizgi eksport naryqtarynda ótkizýdi qamtamasyz etýdiń mańyzy atap ótildi. Saýda jáne ıntegraııa mınıstrligi Qytaı, Taıaý Shyǵys, Afrıka jáne basqa da elderdegi seriktestermen osy baǵyttaǵy jumysty jandandyrýy qajet.

Anyqtama: Qazaqstandaǵy aýyl sharýashylyǵy daqyldarynyń jalpy aýdany 23,3 mln ga quraıdy, onyń ishinde dándi daqyldardyń aýdany – 16,7 mln ga. Egis alqaptarynyń qurylymyna sáıkes barlyq óńirde egin jınaý jumysy bastaldy. Búgingi tańda 928,2 myń ga dándi jáne burshaqty daqyldar nemese 5,5% jınaldy. Ortasha ónimdiligi 19,3 /ga bolǵan kezde 1,8 mln tonna astyq bastyryldy. Sondaı-aq 418,2 myń tonna kartop jáne 940,3 myń tonna kókónis jınaldy.