جاڭالىقتار
ۇكىمەت باسشىسى ساراپشىلاردىڭ باسىن قوسىپ, ەكونوميكانى دامىتۋ ماسەلەسىن تالقىلادى
فوتو:ۇكىمەت
ۇكىمەت باسشىسى ساراپشىلاردىڭ باسىن قوسىپ, ەكونوميكانى دامىتۋ ماسەلەسىن تالقىلادى, دەپ جازدى qandastar.kz
جيىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ەلىمىزدەگى قازىرگى ەكونوميكالىق جاعداي تۋرالى بايانداپ, ونەركاسىپتى دامىتۋ, ينفراقۇرىلىمدى جاڭعىرتۋ, وڭىرلەردە ءوسىمنىڭ جاڭا مۇمكىندىكتەرىن ىسكە قوسۋ جونىندەگى مىندەتتەردى شەشۋ ءۇشىن سالىق-بيۋدجەت رەفورماسىن جۇرگىزۋ تاسىلدەرىن ايتتى. كەزدەسۋگە قاتىسۋشىلار مەملەكەتتىك قارجىنى تۇراقتاندىرۋ جانە ولاردى ءتيىمدى پايدالانۋ شارالارى بەكىتىلگەن جاڭا سالىق جانە بيۋدجەت كودەكستەرى جوبالارىن تالقىلادى. وتىرىس بارىسىندا ساراپشىلار سالىق-بيۋدجەت سالاسىن رەفورمالاۋ بويىنشا بىرقاتار ۇسىنىس تاستادى. ۇكىمەت باسشىسى ونى مينيسترلەرگە پىسىقتاۋدى تاپسىردى.
