جاڭالىقتار
«ۇكىمەت باتىل ارەكەت ەتۋدە» – ساياساتتانۋشى اشىمباەۆ سالىق رەفورماسى تۋرالى
فوتو: فەيسبۋك
ساياساتتانۋشى دانيار اشىمباەۆتىڭ پىكىرىنشە, قازاقستان سالىقتان جالتارۋ سحەمالارىن جويۋعا باعىتتالعان سالىق رەفورماسىنىڭ جاڭا كەزەڭىنە قادام باستى. ونىڭ ايتۋىنشا, بيلىك بيزنەستى بولشەكتەۋ جانە سالىقتىق جۇكتەمەنى وڭتايلاندىرۋدىڭ باسقا دا تەتىكتەرى تۋرالى جەتكىلىكتى اقپارات جينادى, دەپ جازدى qandastar.kz ozgeris.info-عا سىلتەمە جاساپ.
«بيزنەسكە جەڭىلدەتىلگەن رەجيمدە جۇمىس ىستەۋ ىڭعايلى, بىراق كەي جاعدايلاردا بۇل وڭتايلاندىرۋدان گورى, سالىستىرمالى تۇردە تومەن مولشەرلەمەگە قاراماستان, سالىقتان جالتارۋعا كوبىرەك ۇقسايدى», – دەدى اشيمباەۆ.
سونداي-اق, ول الەمدىك تاجىريبەدە مۇنداي سحەمالار قاتاڭ رەتتەلەتىنىن, ال قازاقستاننىڭ وسى باعىتتا بىرتىندەپ ىلگەرىلەپ كەلە جاتقانىن اتاپ ءوتتى. الداعى ۋاقىتتا سالىقتىق اكىمشىلەندىرۋدى كۇشەيتۋ جانە كولەڭكەلى ەكونوميكامەن كۇرەستى جانداندىرۋ كۇتىلۋدە.
