«Úkimet Qojanasyrdyń nusqasyn jasady» — depýtat Jańbyrshın

Foto: vıdeodan kadr

Májilis depýtaty Edil Jańbyrshın Ekologııa mınıstrliginiń ókiline eldi mekenderdi erekshe qorǵalatyn tabıǵı aýmaqqa aýystyrý týraly saýal qoıdy,— dep habarlaıdy  qandastar.kz Dalanews.kz-ke cilteme jasap.

Onyń sózinshe, bul másele Úkimetke deıin jetken, alaıda Úkimet naqty sheshim usynbaǵan.

«Meniń qoıaıyn dep otyrǵan suraǵym zań jobasynda eń pikirtalas týǵyzǵan máselege baılanysty. Zań jobasyna eldi mekenderdi, ınfraqurylymdy, áleýmettik nysandardy erekshe qorǵalatyn tabıǵı aýmaqtan basqa jerdiń sanatyna aýystyrý jóninde norma kirgen bolatyn. Bul nysandardyń bári erekshe qorǵalatyn tabıǵı aýmaq jasaqtalmaı turyp, keńeıtilmeı turyp bar dúnıeler edi. Endi depýtattar tarapynan eki norma usynyldy. Birinshi — eshqaısyn da erekshe qorǵalatyn tabıǵı aýmaqtardan shyǵarmaý, ekinshisi — eldi mekenderdi ǵana qaldyryp, qalǵandaryn shyǵaryp, olardyń jóndeý jasaýyna múmkindik berý. Osy másele daý týǵyzǵannan keıin Úkimetke jiberdik. Úkimet Qojanasyrdyń nusqasyn jasady. Qojanasyrǵa eki adam ózderiniń daýyn sheship ber dep barady ǵoı. Sonda Qojekeń «seniki de durys, onyki de durys, ony aıtyp turǵan meniki de durys» deıdi. Jumys tobynda depýtattardyń ózderi bir varıantyn daýysqa salyp, qabyldady. Eldi mekender erekshe qorǵalatyn tabıǵı aýmaqtan shyqpaıdy. Qalǵandaryn basqa sanatqa aýdarýǵa bolady deıdi. Ekologııa jáne tabıǵı resýrstar mınıstrligine suraǵym, sizderdiń pozıııalaryńyz qandaı?» — dep surady depýtat.

Mınıstrlik ókili depýtattyń saýalyna jaýap bergen soń Májilis tóraǵasy Erlan Qoshanov ta sózge aralasty.

«Qaısyńyzdiki durys ekenin bilmeımin. Qanaǵattandyńyz ba?» — dep kúldi.

Depýtat ta qaıta sóz aldy.

«Bir pozıııa bolýy kerek. Ekinshi pozıııany qoldadyq dep otyr. Sondyqtan Qojanasyrdyń varıanty ótpeı qaldy», — dep jaýap berdi depýtat.