ۇكىمەت ماۋسىمارالىق كەزەڭدە كوكونىس باعاسىنىڭ وسۋىنە جول بەرمەۋ ءۇشىن الدىن الا شارالار قابىلدادى

پرەمەر-مينيستر ولجاس بەكتەنوۆتىڭ توراعالىعىمەن وتكەن كەڭەستە ماۋسىمارالىق كەزەڭدە الەۋمەتتىك ماڭىزى بار ازىق-ت ۇلىك پەن كوكونىستەر باعاسىنىڭ تۇراقتىلىعىن قامتاماسىز ەتۋ جونىندەگى شارالار تالقىلاندى. 

قازاقستاندا الەۋمەتتىك ماڭىزى بار ازىق-ت ۇلىك تاۋارلارىنىڭ باعا يندەكسى ءۇش اپتا قاتارىنان تومەندەپ كەلەدى. باعانىڭ تومەندەۋى قاراقۇمىق جارماسى, پياز, كۇنباعىس مايى, ۇن جانە باسقا دا ونىمدەر بويىنشا بايقالىپ وتىر.

ماۋسىمارالىق كەزەڭدە كوكونىس باعاسىنىڭ اناعۇرلىم اۋىتقۋىنا جول بەرمەۋ ءۇشىن ۇكىمەت وزبەكستان جانە تاجىكستان جەتكىزۋشىلەرىمەن تىكەلەي كەلىسىمشارت جاساۋ مۇمكىندىكتەرىن الدىن الا پىسىقتادى. ساۋدا جانە ينتەگراتسيا مينيسترلىگىنىڭ ۆەدومستۆولىق باعىنىستاعى ۇيىمى – «QazTrade» اق وزبەك جانە تاجىك سەرىكتەستەرىمەن ءتيىستى شارتتارعا قول قويدى.

كوكونىستەر قازاقستان نارىعىنا «جاسىل ءدالىز» ارقىلى جانە دەلدالدار مەن الىپساتارلارسىز تيىمدىرەك باعامەن جەتكىزىلەتىن بولادى.

9 اكك-مەن جالپى كولەمى 4 مىڭ توننا بولاتىن يمپورتتىق كوكونىستەردى, ونىڭ ىشىندە 2 060 توننا كارتوپ پەن 1 940 توننا پياز جەتكىزۋگە شارتتار جاسالدى.

قازاقستاننىڭ بارلىق ءوڭىرىنىڭ قاجەتتىلىكتەرىن قامتاماسىز ەتۋ جانە ماۋسىمارالىق كەزەڭدە كوكونىستەر باعاسىنىڭ اۋىتقۋىن بولدىرماۋ ءۇشىن پرەمەر-مينيستر كەلىسىمشارتتاردى ۋاقتىلى بەكىتۋدى جانە ءونىمنىڭ ۇزدىكسىز جەتكىزىلۋىن قامتاماسىز ەتۋدى تاپسىردى.

جالپى العاندا, اكىمدىكتەرگە كەمىندە 18,6 مىڭ توننا كارتوپ, 7,2 مىڭ توننا ءسابىز جانە 5 مىڭ توننا پيازعا الدىن الا كەلىسىمشارت جاساۋ قاجەت. قازىرگى ۋاقىتتا قولدا بار قورلاردان 81 مىڭ توننا كولەمىندە كوكونىس ونىمدەرى پايدالانۋعا بەرىلدى.

سونىمەن قاتار جيىندا الەۋمەتتىك ماڭىزى بار ازىق-ت ۇلىك ونىمدەرىن وتكىزۋ كەزىندەگى تالاپتاردىڭ ساقتالۋىن مەملەكەتتىك باقىلاۋ ناتيجەلەرى قارالدى. مينيسترلىك جىل باسىنان بەرى مۇددەلى ورگاندارمەن بىرلەسىپ, تاۋارلىق ۇستەمە باعانى اسىرعان 732 فاكتىنى انىقتاپ, 1 مىڭنان استام اكىمشىلىك ءىس قوزعالدى, 109 ءونىمسىز دەلدال الىپ تاستالدى.

جالپى جىل باسىنان بەرى باعا بەلگىلەۋگە اسەر ەتەتىن 2,5 مىڭنان استام تىزبەككە تالداۋ جاسالىپ, ساۋدا, سالىق جانە مونوپولياعا قارسى زاڭنامالاردى بۇزۋدىڭ 800-دەن استام تاۋەكەلى انىقتالدى. بارلىق انىقتالعان فاكتىلەر بويىنشا اقپارات جەدەل شارا قولدانۋ ءۇشىن ۋاكىلەتتى ورگاندارعا جولداندى.

باقىلاۋ-فيسكالدىق جانە قۇقىق قورعاۋ ورگاندارىن تارتۋ ارقىلى وڭىرلىك كوميسسيالاردىڭ قىزمەتى قايتا قارالىپ, كۇشەيتىلدى.

ۇكىمەت باسشىسى كەيبىر تاۋارلار بويىنشا باعانىڭ ءوسۋى تىركەلگەن جامبىل جانە اباي وبلىستارى اكىمدەرىنە ولاردى تۇراقتاندىرۋ شارالارىن كۇشەيتۋدى تاپسىردى.

ساۋدا مينيسترلىگىنە باعانىڭ وزگەرۋىنە كۇن سايىن تالداۋ جۇرگىزۋ, اۋىل شارۋاشىلىعى مينيسترلىگىنە نارىقتى وتاندىق ونىممەن ساپالى ءارى تولىق كولەمدە قامتىپ, اگروونەركاسىپ كەشەنى سالاسىنداعى وڭدەۋ كولەمىن ارتتىرۋ جونىندەگى بارلىق جوسپارلانعان شارالاردى ىسكە اسىرۋ جۇكتەلدى.

«حالىقتى ساپالى ءارى قىمبات ەمەس ونىمدەرمەن قامتاماسىز ەتۋ – ۇكىمەت پەن جەرگىلىكتى بيلىك ورگاندارىنىڭ باستى مىندەتتەرىنىڭ ءبىرى. دەلدالدارسىز جانە باعاعا قاتىستى الاياقتىققا جول بەرمەيتىن تىكەلەي جەتكىزىلىم قاجەت. اكىمدەر قۇقىق قورعاۋ ورگاندارىمەن بىرلەسىپ بۇل ماسەلەدە ءتارتىپ پەن اشىقتىقتى قامتاماسىز ەتۋگە ءتيىس», — دەپ اتاپ ءوتتى ولجاس بەكتەنوۆ.