Úkimet Medsaqtandyrý qoryna 500 mlrd teńgeden astam qaryz

Úkimet Áleýmettik medıınalyq saqtandyrý qoryna 504 mıllıard teńge kóleminde qaryz. Bul týraly Qarjy mınıstrligi BAQ.KZ saıty redakııasynyń resmı saýalyna bergen jaýabynda aıtqan.

Mınıstrliktiń aqparatyna sáıkes, «2025–2027 jyldarǵa arnalǵan respýblıkalyq bıýdjet týraly» zań aıasynda Áleýmettik medıınalyq saqtandyrý qoryna jalpy 2 298,6 mıllıard teńge kóleminde maqsatty jarna qarastyrylǵan.

2025 jylǵy 25 maýsymdaǵy jaǵdaı boıynsha Densaýlyq saqtaý mınıstrliginiń 002 «Áleýmettik medıınalyq saqtandyrý qoryna maqsatty jarna» bıýdjettik baǵdarlamasy aıasynda 760,8 mıllıard teńge kóleminde kassalyq oryndalý tirkeldi. Bul rette jyldyq qarjylandyrý jospary 1 278,6 mıllıard teńgeni quraıdy, – delingen vedomstvo jaýabynda.

Mınıstrlik sondaı-aq 30 maýsymda Qorǵa qosymsha 13 mıllıard teńgeden astam qarajat aýdarylǵanyn habarlady.

Kórsetilgen bıýdjettik baǵdarlamalardy qarjylandyrý Tólemderdi qarjylandyrý josparyna sáıkes bekitilgen tártippen kezeń-kezeńimen júzege asyrylady, – dep naqtylady Qarjy mınıstrligi.