Jańalyqtar
Úkimet tótenshe rezervten 1,3 mıllıard teńge bóledi
QR premer-mınıstri Oljas Bektenov Úkimettiń tótenshe rezervinen Qostanaı oblysynda aýqymdy sý tasqyny saldarynan zaqymdalǵan elektr berý jelilerin qalpyna keltirýge 1,3 mıllıard teńgeden astam qarajat bólý týraly qaýlyǵa qol qoıdy,-dep habarlaıdy Qandastar.kz
Jóndeý jumystary Arqalyq qalasynda, Amangeldi jáne Jangeldi aýdandarynda júrgiziledi, bul jergilikti turǵyndardy turaqty elektrmen qamtamasyz etýge múmkindik beredi.
Bıyl 27 naýryzda ózender men sý aıdyndaryndaǵy sý deńgeıiniń birden kóterilýine baılanysty Qostanaı oblysynyń ońtústik aýdandary sý astynda qaldy. Sonyń saldarynan áýedegi elektr jelileri men transformatorlyq qosalqy stansalardyń tirekteri astyndaǵy topyraq shaıylyp ketti. Bul olardyń zaqymdalýyna jáne 37 eldi mekenniń turǵyndaryn elektrmen jabdyqtaýdy shekteýge ákeldi. Tehnıkalyq tekseris qorytyndysy boıynsha 989 zaqymdalǵan tirek anyqtalǵan.
«Búginde barlyq iri eldi mekenderde elektrmen jabdyqtaý ýaqytsha shema boıynsha qalpyna keltirildi. Jóndeý brıgadalary sý tasqynynyń saldaryn múmkindiginshe tez joıý úshin jumysty jalǵastyryp jatyr», — delingen habarlamada.
Barlyǵy 12 myń turǵyn úı (JTQ) jáne 26 myń saıajaı ýchaskeleri sý astynda qaldy. Zaqym kelgen 17 982 úıge tekserý jasalyp, 15 685-in baǵalaý jumysy aıaqtaldy. Olardyń jartysyna jýyǵy jóndeýdi jáne qalpyna keltirýdi qajet etedi. Osy maqsattarǵa 38,6 mıllıard teńge bólinip, 5823 otbasy ótemaqy aldy.
8 myńnan astam úı apatty dep tanyldy. Olar boıynsha azamattardyń talap-tilegine baılanysty zalaldy óteýdiń 2 nusqasy qarastyrylǵan: qaıtalama naryqta páter nemese úı satyp alý; úı salyp berý.
3155 otbasy jańa baspana aldy. О́ńirlerde 2049 úıdiń qurylysy belsendi júrgizilip jatyr. Jalpy turǵyn úıdi qalpyna keltirýge jáne salýǵa 251 mıllıard teńge baǵyttalǵany aıtyldy.
Sonymen qatar, ınjenerlik, áleýmettik ınfraqurylymǵa jáne joldarǵa zııan keldi. Atap aıtqanda, 2,3 myńnan astam energııamen jabdyqtaý tirekteri qırap, 54 km jeli úzildi. 40 paıyzdan astamy búginde qalpyna keltirildi, jaz aılarynda jumys qarqyny artady.
