«ۇكىمەت ءۇشىن اندەتىپ جۇرگەم جوق»: اقبوتا كەرىمبەكوۆا اتاق العان انشىلەرگە شۇيلىكتى

فوتو: اشىق دەرەككوز

قازاقستاندىق تانىمال ءانشى اقبوتا كەرىمبەكوۆا ماراپاتتالىپ جاتقان ارىپتەستەرىنە قاتىستى پىكىر ءبىلدىردى. ونەر يەسى وسىعان دەيىن مەملكەتتىك اتاق الماعانىن ايتتى, دەپ جازادى qandastar.kz KAZ.NUR.KZ-كە سىلتەمە جاساپ.

كەرىمبەكوۆا Instagram-داعى پاراقشاسىندا ازۋلى جازبا جاريالاپ, اتاق العان ونەر يەلەرىنە شۇيلىكتى. «جەر-جەردە شۇلەن تاراتۋ باستالدى. قۇداي-اۋ, نە دەگەن اتاقتار اناۋ?! «ەرەن ەڭبەگى ءۇشىن», «قۇرمەت», «پاراسات», «داڭق». قازاقتا سولكەبايعا تەلىنبەگەن سۇمدىق سوزدەر قالدى ما ەكەن, ءوزى?! جىلىنا وسى اتاقتاردى بالەن ءجۇز ادام الادى ەكەن. الا بەرسىن. بىراق مەملەكەت جاعدايى سونشا ەرەن ەڭبەك جاسالىنعانعا ۇقساي ما?!  ۇيدەگىلەر كەيدە سۇراپ قالادى «اندەتىپ جۇرگەنىڭىزگە 30 جىل, مىناداي مىڭعىرعان اتاقتىڭ بىرەۋى سىزگە بەرىلمەي مە?» دەيدى. «اي, اينالايىندار-اي, ۇكىمەت ءۇشىن اندەتىپ جۇرگەنىم جوق. ۇكىمەت تە ءوزى ءۇشىن ءان سالمايتىندارعا بەرمەيتىن شىعار?! ودان كەيىن اتاقتاردى تۇگەل الىپ شىققان كەيبىر ادامدارمەن مەنى قاتار قويىپ, حالىقتىڭ الدىنا شىعارسا, حالىق ءبىر دە ءبىر مەملەكەتتىك اتاعى جوق مەنى تانىپ, قۇرمەتتەپ كەتۋى مۇمكىن. ناعىز باقىت – سول» دەپ قۇتىلامىن. ويىم دۇرىس شىعار دەپ ويلايمىن. تاعى شىندىعىم ءۇشىن «كورە الماي وتىر» دەمەسە ەكەن. ايتپاقشى, قازاق تاريحىنان دا ماڭىزدى بوپ تۇرعان قازاق Tik-Tok-داعى لەگەندالارى نەگە الماعان? نەگە بەرمەيسىڭدەر?! كورە الماي جۇرسىڭدەر مە», – دەپ جازدى ءانشى.