ۇكىمەت جانار-جاعارماي باعاسىن رەتتەۋدەن باس تارتپاق

فوتو: اشىق دەرەككوز

ۇكىمەت جانار-جاعارماي باعاسىن رەتتەۋدەن باس تارتپاق, دەپ جازدى qandastar.kz

ەنەرگەتيكا مينيسترلىگى سۇرانىس پەن ۇسىنىس اراسىنداعى نارىقتىق تەپە-تەڭدىكتى قالىپتاستىرۋ ءۇشىن باعا بەلگىلەۋدىڭ تۇراقتى مودەلى ساياساتىنا كوشەتىنىن حابارلادى. بۇل پروتسەسس كەزەڭ-كەزەڭمەن جۇرمەك.

ۆەدومستۆو باعانى مەملەكەتتىك رەتتەۋ قازاقستاندا كورشى ەلدەرمەن سالىستىرعاندا جانار-جاعارماي قۇنىنىڭ ەڭ تومەن بولۋىنا اكەلدى دەپ وتىر. سونداي-اق «وسى ەلدەرگە مۇناي ونىمدەرىنىڭ اعىنى مەن «سۇر» ەكسپورتتىڭ جوعارى تاۋەكەلدەرىنە اكەپ سوعادى جانە تاپشىلىقتى تۋدىرادى» دەلىنگەن.

«بۇگىنگى تاڭدا قازاقستاندا بەنزين مەن ديزەل وتىنىنىڭ باعاسى الەمدەگى ەڭ تومەن باعالاردىڭ ءبىرى بولىپ قالا بەرەدى. بۇل جاعداي سونىڭ ىشىندە كورشى ەلدەرمەن ايتارلىقتاي باعا الشاقتىعىنا اكەلەدى. مىسالى, قازاقستاندا اي-92 بەنزينىنىڭ باعاسى ليترىنە – 205 تەڭگە, رەسەي فەدەراتسياسىندا – 288 تەڭگە, قىرعىزستاندا – 385 تەڭگە, وزبەكستاندا – 489 تەڭگە. ەلىمىزدە ديزەل وتىنى ليترىنە – 295 تەڭگە, رەسەي فەدەراتسياسىندا – 355 تەڭگە, قىرعىزستاندا – 427 تەڭگە, وزبەكستاندا – 528 تەڭگە تۇرادى. وسىلايشا اي-92 بەنزينىنىڭ باعاسىنداعى ايىرماشىلىق 40%-دان 138%-عا دەيىن, ديزەل وتىنىنا 20%-دان 79%-عا دەيىن جەتەدى», — دەپ حابارلادى ەنەرگەتيكا مينيسترلىگى.

بۇعان قوسا Atameken business تەلەگرام ارناسى ءتيىستى تۇزەتۋلەردى قامتيتىن زاڭ جوباسى «اشىق نقا» پورتالىندا جاريا تالقىلاۋعا ۇسىنىلاتىنىن جازدى.