جاڭالىقتار
ۇقك ەسىرتكى زەرتحاناسىنىڭ «قوجايىنىنان» نە تاركىلەنگەنىن كورسەتتى
فوتو: ۇقك
2025 جىلدىڭ 28 قاڭتارىندا ۇلتتىق قاۋىپسىزدىك كوميتەتى (ۇقك) جانە پروكۋراتۋرا قىزمەتكەرلەرى الماتى وبلىسىندا ەسىرتكى زەرتحاناسىن جويدى. ولار قازاقستاندىقتى پسيحوتروپتىق زاتتاردى دايىنداپ جاتقان جەرىنەن ۇستادى, دەپ حابارلايدى qandastar.kz
پسيحوتروپتىق زاتتاردى دايىنداۋ بارىسىندا قازاقستان ازاماتى ۇستالىپ, سوتتىڭ سانكتسياسىمەن قاماۋعا الىندى.
ء«تىنتۋ بارىسىندا 15 كيلوگراممنان اسا «الفا-PVP» ەسىرتكى قۇرالى مەن كريستالدانۋ ساتىسىنداعى وسى زاتتىڭ 70 ءليترى, سونداي-اق 200 ليتر پرەكۋرسورلار مەن زەرتحانالىق جابدىقتار تاركىلەنگەن.»
ۇقك ءباسپاسوز قىزمەتى
قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
«قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.»ۇقك ءباسپاسوز قىزمەتى
Zakon.kz جازعانداي, اقتوبە وبلىسىندا گاز كەنىشىنەن گاز ۇرلاعان توپ ۇستالعانى حابارلانعان بولاتىن. وپەراتسيانى ۇيىمداسقان قىلمىسقا قارسى كۇرەس دەپارتامەنتى, پروكۋراتۋرا جانە ۇلتتىق قاۋىپسىزدىك مەملەكەتتىك كوميتەتى جۇرگىزگەن. بەلگىلى بولعانداي, ايىپتالۋشىلار گاز ءوندىرۋ سالاسىنداعى كومپانيالاردىڭ ءبىرىنىڭ قىزمەتكەرلەرى ەكەن.
