الەم جاڭالىقتارى
ۋكراينا «ءيىلۋى» كەرەك: ترامپ پۋتينمەن تەلەفونمەن تىلدەستى
فوتو: Sputnik
اقش-تىڭ جاڭادان سايلانعان پرەزيدەنتى دونالد ترامپ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى, دەپ حابارلايدى qandastar.kz The Washington Post اقپارات كوزىنە سىلتەمە جاساپ.
اڭگىمە بارىسىندا ترامپ رەسەي پرەزيدەنتىنە ۋكرايناداعى سوعىستى ورشىتپەۋگە كەڭەس بەردى جانە ۆاشينگتوننىڭ ەۋروپاداعى ماڭىزدى اسكەري قاتىسۋىن ەسكە سالدى.
سونداي-اق ترامپ رەسەي باسىپ العان اۋماقتىڭ ءبىر بولىگىن ساقتاپ قالۋى تۋرالى كەلىسىمدى قولدايتىنىن انىق ايتتى.
اتاپ ايتقاندا, ترامپ ۋكراينا بەيبىتشىلىك ءۇشىن قىرىم سەكىلدى تەرريتورياسىنىڭ ءبىرازىنان باس تارتۋى مۇمكىن دەپ سانايدى. ول سونداي-اق ۋكرايناعا سوعىس كەزىندە ەرتەرەك كەلىسىم جاساۋ ءتيىمدى دەپ سانايدى, ويتكەنى ەل سولداتتارىنان, بەيبىت تۇرعىندارىنان جانە ينفراقۇرىلىمنان قول ءۇزىپ جاتىر.
