Ýkraına men Reseı qashan kelissóz júrgizedi?

Ýkraına prezıdenti Vladımır Zelenskıı Kıev pen Vashıngtonnyń Reseımen ishinara atysty toqtatý týraly kelissózder ótkizetinin rastady. Onyń aıtýynsha, kezdesý 24 naýryzda Saýd Arabııasynda ótedi. Bul týraly ol Osloda Norvegııa premer-mınıstri Ionas Gar Stıoremen birlesken baspasóz máslıhatynda málimdedi, dep habarlaıdy qandastar.kz aqparat portaly DW agenttigine silteme jasap.

AQSh prezıdentiniń arnaıy ókili Kıt Kellogtyń aıtýynsha, kelissózder “jaqyndyq qaǵıdaty” boıynsha ótedi. Iaǵnı, Ýkraına men Reseı ókilderi eki bólek bólmede otyrady, al amerıkalyq delegaııa olardyń arasynda júrip, ár tarappen jeke sóılesedi.

ABC News-ke bergen suhbatynda Kellog AQSh delegaııasynyń quramynda memlekettik hatshy Rýbıo men saıasatty josparlaý jónindegi dırektor Maıkl Anton bolatynyn aıtty.

Kelissózder qonaqúıde ótedi. Bir top bir bólmede, ekinshisi basqa bólmede otyrady. Olar sóılesip, óz oılaryn aıtady, al amerıkalyq delegaııa olardyń arasynda júrip, aqparat almastyrady. Osylaısha, biz eki taraptyń naqty ustanymyn anyqtaımyz, – dedi Kellog.

Onyń aıtýynsha, aldymen AQSh ókilderi Ýkraına delegaııasymen kezdesedi, sodan keıin Reseı jaǵynyń pikirin tyńdaıdy. Zelenskıı bul kezdesýde eń aldymen energetıkalyq nysandarǵa shabýyl jasamaý jónindegi atysty toqtatý máselesi talqylanatynyn atap ótti.

Al Reseı tarapy Qara teńizdegi keme qatynasynyń qaýipsizdigin qaıta qalpyna keltirýdi talqylamaq. Bul týraly Reseı prezıdentiniń kómekshisi Iýrıı Ýshakov málimdedi.

Ol sondaı-aq 24 naýryzda Er-Rııadta Reseı men AQSh ókilderiniń kezdesetini rastalǵanyn aıtty. Reseı delegaııasyn Federaııa Keńesiniń halyqaralyq ister jónindegi komıtetiniń tóraǵasy Grıgorıı Karasın men FSB dırektorynyń keńesshisi Sergeı Beseda basqarady.