ۋكراينا رەسمي تۇردە قازاقستان مۇنايىنا رەسەيدەگى ستانتسيادا شابۋىلداعانىن راستادى

«كەشە ۋكراينا قورعانىس كۇشتەرى رەسەيدىڭ اسكەري جانە ەنەرگەتيكالىق ينفراقۇرىلىمىنداعى ستراتەگيالىق نىساندارعا ءدال سوققى جاسادى. وسى ءساتتى وپەراتسيانىڭ ناتيجەسىندە رەسەيدىڭ كراسنودار وبلىسىنداعى يلسكي مۇناي زاۋىتىنا سوققى بەرىلدى. نىساننىڭ اۋماعىندا اۋقىمدى ءورت شىقتى. سونىمەن قاتار, «كروپوتكينسكايا» جانە «اندرياپول» مۇناي ايداۋ ستانتسيالارى دا سوققىعا ۇشىرادى, ولار باسقىنشىلارعا وتىن تاسىمالداۋدا ماڭىزدى ءرول اتقارعان. سوققىدان كەيىن بۇل ستانتسيالار ىستەن شىقتى, بۇل اگرەسسورعا وتىن جەتكىزۋ لوگيستيكاسىن ايتارلىقتاي قيىنداتتى», – دەپ مالىمدەدى ۋكراينا قارۋلى كۇشتەرىنىڭ باس شتابى.