ۋكراينا سوعىستى اياقتاۋ ءۇشىن وككۋپاتسيالانعان جەرلەرىنەن باس تارتۋعا دايىن – ترامپتىڭ ارنايى وكىلى

فوتو: Reuters/كيت كەللوگ

اقش-تىڭ ارنايى وكىلى كيت كەللوگ ۋكراينا بەيبىت كەلىسىمگە قول جەتكىزۋ ءۇشىن ۆاشينگتوننىڭ اۋماققا قاتىستى 22 شارتىمەن كەلىسۋگە دايىن ەكەنىن ايتتى. الايدا ۋكراينا مۇنى زاڭدى تۇردە مويىنداۋعا اسىقپايدى, دەپ جازدى qandastar.kz.

بۇل تۋرالى Stan.kz اقپارات اگەنتتىگى Trt.global باسىلىمىنا سىلتەمە جاساپ حابارلايدى.

كيت كەللوگتىڭسوزىنشە, كيەۆ بەيبىت كەلىسىمگە قول جەتكىزۋ ءۇشىن رەسەي باسىپ العان قازىرگى جەرلەرىن ءىس جۇزىندە ءىشىنارا وككۋپاتسيالانعان دەپ تانۋعا دايىن. بىراق مۇنى ۋاقىتشا دەپ سانايدى جانە كەلىسىمدى زاڭدى تۇردە بەكىتپەدى.

“ولار وسىنداي نۇسقاعا كەلىسىپ وتىر. ەكى تاراپ اراسىندا بىتىم ورناعان جاعدايدا ءار ەل جاۋلاپ العان اۋماقتىڭ وزىندە قالاتىنىن تۇسىنەدى. لوندوندا وتكەن كەزدەسۋ بارىسىندا اقش بەيبىت رەتتەۋگە قاتىستى 22 تارماقتان تۇراتىن ۇسىنىس ۇسىنعان. سونىڭ ءبىرى اۋماق ماسەلەسىنە قاتىستى بولعان», – دەپ اتاپ ءوتتى كەللوگ.

سونداي-اق ترامپتىڭ ارنايى وكىلى رەسەيدىڭ اسكەري ماقساتتارىنا جەتە الماعانىن ايتتى.

«رەسەي بۇل سوعىستا جەڭىپ جاتقان جوق. سوڭعى ءبىر جارىم جىلدا رەسەي ەشقانداي ەلەۋلى جەتىستىككە جەتە المادى. ولار كيەۆتى الا المادى. دنەپر وزەنىنەن باتىسقا قاراي جىلجي المادى, بۇل وزەن – ۇلكەن كەدەرگى. ولار ودەسسانى دا الا المادى. رەسەي جۇزدەگەن مىڭ اسكەرىنەن ايىرىلدى ءارى وتە باياۋ جىلجىپ بارادى. ولار ميلمەن ەمەس, مەترمەن جىلجىپ جاتىر. ال ۋكراينالىقتار ءوز جەرىندە سوعىسىپ جاتىر», – دەدى كەللوگ.

كەللوگتىڭ ايتۋىنشا, ۋكراينا قارسىلاسۋدى توقتاتقان جوق. ال ماسكەۋدىڭ اسكەري جەتىستىكتەر تۋرالى مالىمدەمەلەرى شىندىققا سايكەس كەلمەيدى.

بۇعان دەيىن اقش پەن ۋكراينا پايدالى قازبالار تۋرالى كەلىسىمگە قول قويعانەدى.