Ýkraına soǵysty aıaqtaý úshin okkýpaııalanǵan jerlerinen bas tartýǵa daıyn – Tramptyń arnaıy ókili

Foto: Reuters/Kıt Kellog

AQSh-tyń arnaıy ókili Kıt Kellog Ýkraına beıbit kelisimge qol jetkizý úshin Vashıngtonnyń aýmaqqa qatysty 22 shartymen kelisýge daıyn ekenin aıtty. Alaıda Ýkraına muny zańdy túrde moıyndaýǵa asyqpaıdy, dep jazdy qandastar.kz.

Bul týraly Stan.kz aqparat agenttigi Trt.global basylymyna silteme jasap habarlaıdy.

Kıt Kellogtyńsózinshe, Kıev beıbit kelisimge qol jetkizý úshin Reseı basyp alǵan qazirgi jerlerin is júzinde ishinara okkýpaııalanǵan dep tanýǵa daıyn. Biraq muny ýaqytsha dep sanaıdy jáne kelisimdi zańdy túrde bekitpedi.

“Olar osyndaı nusqaǵa kelisip otyr. Eki tarap arasynda bitim ornaǵan jaǵdaıda ár el jaýlap alǵan aýmaqtyń ózinde qalatynyn túsinedi. Londonda ótken kezdesý barysynda AQSh beıbit retteýge qatysty 22 tarmaqtan turatyn usynys usynǵan. Sonyń biri aýmaq máselesine qatysty bolǵan», – dep atap ótti Kellog.

Sondaı-aq Tramptyń arnaıy ókili Reseıdiń áskerı maqsattaryna jete almaǵanyn aıtty.

«Reseı bul soǵysta jeńip jatqan joq. Sońǵy bir jarym jylda Reseı eshqandaı eleýli jetistikke jete almady. Olar Kıevti ala almady. Dnepr ózeninen batysqa qaraı jyljı almady, bul ózen – úlken kedergi. Olar Odessany da ala almady. Reseı júzdegen myń áskerinen aıyryldy ári óte baıaý jyljyp barady. Olar mılmen emes, metrmen jyljyp jatyr. Al ýkraınalyqtar óz jerinde soǵysyp jatyr», – dedi Kellog.

Kellogtyń aıtýynsha, Ýkraına qarsylasýdy toqtatqan joq. Al Máskeýdiń áskerı jetistikter týraly málimdemeleri shyndyqqa sáıkes kelmeıdi.

Buǵan deıin AQSh pen Ýkraına paıdaly qazbalar týraly kelisimge qol qoıǵanedi.