ۋكراينا سوعىسىنىڭ باستالعانىنا تۋرا ءۇش جىل بولدى

فوتو: اشىق دەرەككوز

ۋكراينا سوعىسىنىڭ باستالعانىنا تۋرا ءۇش جىل بولدى.

وسىعان وراي 13 مەملەكەتتىڭ باسشىسى, ەۋرووداق ليدەرلەرى كيەۆتە باس قوسپاق. 24-ءى جيىنعا ونلاين قاتىسپاقشى. ءبىر كۇنى بۇرىن ۆلاديمير زەلەنسكي ءباسپاسوز كونفەرەنتسياسىن وتكىزدى, دەپ جازدى qandastar.kz

وندا ۋكراينا پرەزيدەنتى بىرقاتار مالىمدە جاسادى: — مەن ونداعان جىلدار بويى بيلىكتە بولعىم كەلمەيدى. ەگەر وتستاۆكام — ۋكرايناعا بەيبىتشىلىك الىپ كەلسە جانە ۋكراينانى ناتو مۇشەسى ەتسە, مەن قازىر-اق قىزمەتتەن كەتۋگە ءازىرمىن. — ءبىز 500 ملرد دوللار دەگەن قارىزدى مويىنداي المايمىز. اقش ءار دوللاردى ەكى دوللار قىلىپ قايتارۋدى تالاپ ەتتى. سوندىقتان كەلىسە المادىق. ون ۋكراين ۇرپاعىنىڭ موينىنا قارىز بولاتىن كەلىسىمگە قول قويمايمىن.

— سوعىستىڭ قۇنى 120 ملرد دوللار. ول ۋكراينانىڭ ءوز اقشاسى. 100 ملرد دوللار ەۋروپالىق ارىپتەستەردىڭ كومەگى. سونىڭ ىشىندە جاپونيا كومەگى 15 ملرد دوللار. ال 100 ملرد دوللار — اقش كومەگى. ترامپ ماڭگىلىك ەمەس. ال بىزگە بەيبىتشىلىك كەرەك. مەن ءبىزدىڭ اقش-پەن كەلىسىمىمىز داۋسىز وتكەنىن قالايمىن. ترامپ مەنى ديكتاتور دەپ اتادى دەپ رەنجىمەيمىن. بۇل سوزگە تەك ديكتاتور ادام رەنجي الادى.