Ýkraınadaǵy soǵys bastalǵannan keıin Qazaqstanǵa kelgen 80 myń reseılik eline qaıta oralmaǵan

Foto: gazeta.ru

Reseı men Ýkraına arasyndaǵy soǵys bastalǵaly beri 80 myń reseılik Qazaqstanǵa ketip, qaıta oralmaǵan. Bul týraly Stan.kz aqparat agenttigi habarlaıdy.

The Bell portalynyń málimetinshe, Ýkraınadaǵy soǵys bastalǵannan keıin Reseıden shamamen 666 myń adam ketip, áli eline oralmaǵan.

Zertteýge sáıkes, 2022 jyly reseılikter qonys aýdarǵan jetekshi elder qatarynda Armenııa (110 myń adam), Qazaqstan (80 myń), Grýzııa (74 myń) sııaqty vızasyz baǵyttar bar. Al Izraılge 80 myń, AQSh-qa 48 myńǵa jýyq reseılik qonys aýdarǵany habarlandy.

Eýropa elderinen reseılikter kóbine Germanııaǵa (36 myń adam), Latvııaǵa (18 myń), Ispanııaǵa (16 myń) jáne Nıderlandyǵa (12 myń) ketken. Eýropalyq odaqtan tys Serbııaǵa 30 myńǵa jýyq reseılik qonys aýdarǵan.

The Bell habarlaýynsha, Ýkraınadaǵy soǵys bastalǵannan keıin reseılikterdiń emıgraııasy keıingi 20 jyldaǵy eń úlken kórsetkishke jetken. Buǵan deıin emıgraııanyń eń úlken tolqyny 1992 jyldan 2004 jylǵa deıingi kezeń bolǵan. Ol kezeńde 1,6 mıllıon adam elden ketken.

Sarapshylar qazirgi emıgraııa tolqyny Reseıdiń ekonomıkasyna, demografııasyna, ǵylymy men mádenıetine áser etetinin aıtyp otyr.