«ۋكرايناعا اسكەر جىبەرۋگە دايىبىز»: ماكرون رەسەيدەن ناقتى جاۋاپ بەرۋدى تالاپ ەتتى

فرانتسيا پرەزيدەنتى ەممانۋەل ماكرون رەسەيدەن ۋكرايناداعى اتىستى توقتاتۋ مۇمكىندىگىنە قاتىستى ناقتى جاۋاپ بەرۋىن سۇرادى. بۇل تۋرالى ول 15 ناۋرىز كۇنى ۇلىبريتانيا پرەمەر-ءمينيسترى كير ستارمەردىڭ باستاماسىمەن وتكەن بەينەكونفەرەنتسيادان كەيىن مالىمدەدى, دەپ حابارلايدى qandastar.kz اقپارات پورتالى BAQ.KZ سىلتەمە جاساپ.رەسەي بەيبىتشىلىككە شىن نيەتتى ەل سياقتى كورىنبەيدى, سەبەبى ول اقش پەن ۋكراينانىڭ ۇسىنىستارىنا جاۋاپ قاتپاي, كەرىسىنشە, اسكەري قيمىلداردى كۇشەيتىپ وتىر. پرەزيدەنت پۋتين ءبارىن العىسى كەلەدى, سودان كەيىن عانا كەلىسسوز جۇرگىزبەكشى. ەگەر ءبىز بەيبىتشىلىك ورناتقىمىز كەلسە, رەسەي ناقتى جاۋاپ بەرۋى كەرەك, – دەپ قوستى فرانتسيا پرەزيدەنتى.

ماكرون ۋكراينا پرەزيدەنتى ۆلاديمير زەلەنسكيدىڭ اقش-تىڭ بۇرىنعى پرەزيدەنتى دونالد ترامپپەن بىرگە بەيبىتشىلىك باستاماسىن كوتەرگەنىن جانە ءبىر ايعا اتىستى توقتاتۋدى ۇسىنعانىن اتاپ ءوتىپ, وعان العىسىن ءبىلدىردى.

ۋكرايناعا كومەكتەسۋ ماڭىزدى, ويتكەنى ول بولاشاقتا ءوز مەملەكەتىن قورعاي الاتىن قۋاتتى ارمياعا يە بولۋى كەرەك, دەدى ماكرون.

ەۋروپا ەلدەرى ۋكرايناعا قوسىمشا Mirage جويعىش ۇشاقتارىن جىبەرۋدى قاراستىرىپ جاتقانىن ايتتى.

ۋكراينا سۇراعان جاعدايدا, ەۋروپالىق ەلدەر اسكەري نۇسقاۋشىلار مەن بىتىمگەرشىلىك كۇشتەرىن جىبەرە الادى, بۇل شەشىمدى قابىلداۋ رەسەيگە بايلانىستى ەمەس. ەگەر ۋكراينا وداقتاستارىنان ءوز اۋماعىنا اسكەر كىرگىزۋدى سۇراسا, رەسەي بۇعان شەشىم قابىلداي المايدى, – دەدى ول.

ونىڭ ايتۋىنشا, بىرقاتار ەۋروپالىق مەملەكەتتەر ۋكرايناعا “بىرنەشە مىڭ” سارباز جىبەرۋگە دايىن, ولار نەگىزگى ايماقتاردا اسكەري دايىندىق باعدارلامالارىن جۇزەگە اسىرىپ, ۇزاق مەرزىمدى قولداۋ كورسەتپەك.