الەم جاڭالىقتارى
ۋكرايناعا قارسى سوعىسقا اتتانعان قازاقستاندىقتاردىڭ ءتىزىمى جاريالاندى
فوتو:Orda.kz
ۋكرايناعا قارسى سوعىسقا قاتىسقان قازاقستاندىقتار تىزىمىندە شامامەن 600 ازاماتتىڭ ەسىمى جازىلعان, دەپ حابارلايدى qandastar.kz
رەسەي ءۇشىن سوعىسىپ جاتقان قازاقستاندىقتاردىڭ اتى-ءجونىن ۋكراينانىڭ قورعانىس مينيسترلىگى مەن باس بارلاۋ باسقارماسى جەتەكشىلىك ەتەتىن «حوچۋ جيت» ورتالىعى جاريالادى.
دەرەكتەرگە سۇيەنسەك, 2022 جىلدان بەرى 661 قازاقستاندىق سوعىسقا اتتانعان, بۇگىندە ونىڭ 78-ءى سوعىستا قازا تاپتى. اقپارات كوزى رەسەي ارمياسى قولباسشىلىعىنىڭ ءانونيمدى وكىلدەرى دەپ اتالادى.
«ايتا كەتەيىك, سوعىسقا جالدانۋ قازاقستان رەسپۋبليكاسىندا قىلمىس. ەكى ەل اراسىنداعى سوعىستان امان قايتقان ازاماتتار ۇيىنە ورالعاننان كەيىن مۇلكى تاركىلەنىپ, 12 جىلدان 17 جىلعا دەيىنگى باس بوستاندىعىنان ايىرىلادى», دەپ مالىمدەدى «حوچۋ جيت» ورتالىعى.
Orda.kz جازعانداي, ورتالىق رەسەي ءۇشىن سوعىسىپ جاتقان قازاقستاندىقتار تۋرالى بۇل اقپارات ۋكرايناعا قارسى شەتەل ازاماتتارى تۋرالى ءبىرىنشى ءتىزىم ەكەنىن دە جازدى.
