Ýkraınaǵa qarsy soǵysqa attanǵan qazaqstandyqtardyń tizimi jarııalandy

Foto:Orda.kz

Ýkraınaǵa qarsy soǵysqa qatysqan qazaqstandyqtar tiziminde shamamen 600 azamattyń esimi jazylǵan, dep habarlaıdy qandastar.kz

Reseı úshin soǵysyp jatqan qazaqstandyqtardyń aty-jónin Ýkraınanyń Qorǵanys mınıstrligi men Bas barlaý basqarmasy jetekshilik etetin «Hochý jıt» ortalyǵy jarııalady.

Derekterge súıensek, 2022 jyldan beri 661 qazaqstandyq soǵysqa attanǵan, búginde onyń 78-i soǵysta qaza tapty. Aqparat kózi Reseı armııasy qolbasshylyǵynyń anonımdi ókilderi dep atalady.

«Aıta keteıik, soǵysqa jaldaný Qazaqstan Respýblıkasynda qylmys. Eki el arasyndaǵy soǵystan aman qaıtqan azamattar úıine oralǵannan keıin múlki tárkilenip, 12 jyldan 17 jylǵa deıingi bas bostandyǵynan aıyrylady», dep málimdedi «Hochý jıt» ortalyǵy.

Orda.kz jazǵandaı, ortalyq Reseı úshin soǵysyp jatqan qazaqstandyqtar týraly bul aqparat Ýkraınaǵa qarsy shetel azamattary týraly birinshi tizim ekenin de jazdy.