Ýkraınaǵa Qazaqstannyń jańa elshisi taǵaıyndaldy

Aqorda taratqan málimetke súıensek, Darhan Káletaevtiń ornyn basqan jańa elshi – Tólejan Barlybaev.

«Memleket basshysynyń Jarlyǵymen Tólejan Tursynuly Barlybaev Qazaqstan Respýblıkasynyń Ýkraınadaǵy Tótenshe jáne О́kiletti Elshisi laýazymyna taǵaıyndaldy»,- delingen aqparatta.

Tólejan Barlybaev – 1970 jyly Qaraǵandy oblysy Temirtaý qalasynda dúnıege kelgen. 1992 jyly Máskeýde Reseı memlekettik gýmanıtarlyq ýnıversıtetin támamdaǵan.

Eńbek ótilimi:

• QR Syrtqy ister mınıstrligi júıesiniń qyzmetkeri (1993-2007);
• QR Ýkraınadaǵy Elshiliginiń úshinshi, ekinshi hatshysy (1994-1997);
• QR SIM Syrtqy saıası is-sharalardy aqparattyq taldaý jáne josparlaý basqarmasynyń birinshi hatshysy (1997-1998);
• QR Ýkraınadaǵy Elshiliginiń birinshi hatshysy, keńesshisi (1998-2002);
• QR SIM Eýropa jáne Amerıka departamentiniń jalpy saıası máseleler bóliminiń bastyǵy, QR Syrtqy Ister Mınıstri Hatshylyǵynyń taldaý bóliminiń bastyǵy (2002-2003);
• QR SIM Halyqaralyq-quqyqtyq departamenti halyqaralyq sharttar basqarmasynyń bastyǵy (2003);
• Polsha Respýblıkasyndaǵy QR Elshiliginiń keńesshisi (2003-2007);
• QR Prezıdenti Ákimshiliginiń ZTB bas ınspektory (2007-2008);
• QR Prezıdenti Ákimshiliginiń ZTB meńgerýshisi (2008-2009);
• QR Prezıdenti Ákimshiliginiń OÁO meńgerýshisiniń orynbasary (2009-2012);
• Prezıdent Ákimshiliginiń Syrtqy saıasat ortalyǵynyń meńgerýshisi (2012-2017);
• Qazaqstan Respýblıkasynyń Horvatııa Respýblıkasyndaǵy Tótenshe jáne О́kiletti Elshisi (05.2017-30.03.2022);
• Qazaqstan Respýblıkasynyń Bosnııa men Geregovınadaǵy, Chernogorııadaǵy Tótenshe jáne О́kiletti Elshisi (04.05.2018-30.03.2022);
• Qazaqstan Respýblıkasynyń Slovakııadaǵy Tótenshe jáne О́kiletti Elshisi (30.03.2022-15.11.2024)

Buǵan deıin Darhan Káletaevtiń Ýkraınadaǵy Tótenshe jáne О́kiletti Elshisi laýazymynan bosatylǵandyǵy habarlanǵan bolatyn.