الەم جاڭالىقتارى
ۋكراينانى قورعاۋعا بارعان تۇركىستاندىق اقتالدى
فوتو: اشىق دەرەككوز
الماتىدا ۋكراينادا دحر جاعىندا سوعىسقان قازاقستان ازاماتىنىڭ ءىسى بويىنشا سوت وتىرىسى ءوتتى. تۇركىستان وبلىسىنىڭ تۋماسى 9 جىلعا دەيىن باس بوستاندىعىنان ايىرىلدى, بىراق ول قىلمىستىق جاۋاپكەرشىلىكتەن بوساتىلدى, دەپ جازادى qandastar.kz.
50 جاستاعى قانات اتامبەكوۆ 2015 جىلى شەت مەملەكەتتىڭ سوعىس قيمىلدارىنا قاتىسۋعا بەل بايلاعاندىقتان قازاقستاننان شىعىپ, ماسكەۋگە كەتكەن. ارى قاراي قارۋلى قاقتىعىس بولىپ جاتقان ۋكراينا اۋماعىنا كوشكەن.
قىلمىستىق ءىس ماتەريالدارىندا ايتىلعانداي, اتامبەكوۆ «بەيبىتشىلىك پەن قاۋىپسىزدىككە قارسى اۋىر قىلمىس» جاساۋعا شەشىم قابىلدادى, سوندىقتان ول مويىندالماعان دونەتسك حالىق رەسپۋبليكاسىنىڭ اسكەرلەرىنە قوسىلدى.
2017 جىلى ونىڭ ءپروفيلى «ميروتۆورەتس» سايتىندا قىلمىستىق توپتىڭ مۇشەسى رەتىندە جاريالاندى. 2022 جىلى قازاقستان ازاماتى كحدر ياسينوۆاتس اۋدانى اۋماعىندا جۇرگەندە 42600 اسكەري ءبولىمىنىڭ 2-ءشى موتواتقىشتار وتريادىنىڭ ساپىنا اتقىش-وپەراتور بولىپ قوسىلعان. اتامبەكوۆ 2023 جىلدىڭ جەلتوقسان ايىنىڭ سوڭىندا اۋىر جاراقات العان.
2024 جىلدىڭ ناۋرىز ايىندا قازاقستان ازاماتى العان جاراقاتىنان, قان كەتۋدەن دحر اۋماعىندا قايتىس بولدى. الايدا قۇقىق قورعاۋ ورگاندارى قىلمىستىق كودەكستىڭ 172-بابى (شەتەلدىك قارۋلى قاقتىعىستارعا قاتىسۋ) بويىنشا تەرگەۋدى جالعاستىرىپ, ءىستى سوتقا جىبەردى. Kozachkow تەلەگرام ارناسى جازعانداي, اتامبەكوۆتىڭ ارەكەتى شەت مەملەكەتتىڭ اۋماعىنداعى قارۋلى قاقتىعىسقا قاساقانا زاڭسىز قاتىسۋ دەپ تانىلادى. بۇل قىلمىس ءۇشىن 5 جىلدان 9 جىلعا دەيىن باس بوستاندىعىنان ايىرۋ قاراستىرىلعان. قازاقستان ازاماتى قايتىس بولعاندىقتان, قىلمىستىق جاۋاپكەرشىلىكتەن بوساتىلدى. ۇكىم زاڭدى كۇشىنە ەنگەن جوق.
