Ýkraınany qorǵaýǵa barǵan túrkistandyq aqtaldy

Foto: ashyq derekkóz

Almatyda Ýkraınada DHR jaǵynda soǵysqan Qazaqstan azamatynyń isi boıynsha sot otyrysy ótti. Túrkistan oblysynyń týmasy 9 jylǵa deıin bas bostandyǵynan aıyryldy, biraq ol qylmystyq jaýapkershilikten bosatyldy, dep jazady qandastar.kz.

50 jastaǵy Qanat Atambekov 2015 jyly shet memlekettiń soǵys qımyldaryna qatysýǵa bel baılaǵandyqtan Qazaqstannan shyǵyp, Máskeýge ketken. Ary qaraı qarýly qaqtyǵys bolyp jatqan Ýkraına aýmaǵyna kóshken.

Qylmystyq is materıaldarynda aıtylǵandaı, Atambekov «beıbitshilik pen qaýipsizdikke qarsy aýyr qylmys» jasaýǵa sheshim qabyldady, sondyqtan ol moıyndalmaǵan Donek halyq respýblıkasynyń áskerlerine qosyldy.

2017 jyly onyń profıli «Mırotvore» saıtynda qylmystyq toptyń múshesi retinde jarııalandy. 2022 jyly Qazaqstan azamaty KHDR Iasınova aýdany aýmaǵynda júrgende 42600 áskerı bóliminiń 2-shi motoatqyshtar otrıadynyń sapyna atqysh-operator bolyp qosylǵan. Atambekov 2023 jyldyń jeltoqsan aıynyń sońynda aýyr jaraqat alǵan.

2024 jyldyń naýryz aıynda Qazaqstan azamaty alǵan jaraqatynan, qan ketýden DHR aýmaǵynda qaıtys boldy. Alaıda quqyq qorǵaý organdary Qylmystyq kodekstiń 172-baby (Sheteldik qarýly qaqtyǵystarǵa qatysý) boıynsha tergeýdi jalǵastyryp, isti sotqa jiberdi. Kozachkow telegram arnasy jazǵandaı, Atambekovtiń áreketi shet memlekettiń aýmaǵyndaǵy qarýly qaqtyǵysqa qasaqana zańsyz qatysý dep tanylady. Bul qylmys úshin 5 jyldan 9 jylǵa deıin bas bostandyǵynan aıyrý qarastyrylǵan. Qazaqstan azamaty qaıtys bolǵandyqtan, qylmystyq jaýapkershilikten bosatyldy. Úkim zańdy kúshine engen joq.