Ulan Rysqul jańa qyzmetke taǵaıyndaldy

Foto:egov

Qazaq kúresiniń balýany Ulan Rysqul Jetisý oblysynyń Dene shynyqtyrý jáne sport basqarmasynyń basshysy bolyp taǵaıyndaldy. Bul týraly oblystyq Sport basqarmasynyń baspasóz qyzmeti málimdedi, dep habarlaıdy qandastar.kz

«Jetisý oblysy ákiminiń buıryǵymen Ulan Rysqul Jetisý oblysynyń Dene shynyqtyrý jáne sport basqarmasynyń basshysy bolyp taǵaıyndaldy», – delingen aqparatta.

Ol buǵan deıin QR Týrızm jáne sport mınıstrliginiń Sport jáne dene shynyqtyrý agenttiginiń dzıýdodan (erler) QR ulttyq shtattyq komandasynyń nusqaýshy-sportshysy, «Halyqaralyq «Qazaq kuresi» federaııasy» qaýymdastyq nysanyndaǵy zańdy tulǵalar birlestiginiń bas hatshysynyń keńesshisi, bas hatshy qyzmetin atqarǵan. Al eńbek jolyn áýeli Astana qalasynda QR Mádenıet, aqparat jáne sport mınıstrligi Sport isteri komıtetiniń «Ulttyq shtattyq komandalar jáne sport rezervi dırekııasy» RMQK dzıýdodan (erler) QR ulttyq shtattyq komandasynyń nusqaýshy-sportshysy retinde bastaǵan.

Esterińizde bolsa, Ulan Rysqul «Qazaqstan barysy» týrnıriniń tuńǵysh jeńimpazy bolǵan. Onyń ústine ol dzıýdodan Qazaqstannyń úsh dúrkin chempıony, Azııanyń eki dúrkin chempıony, Álem kýbogynyń kúmis júldegeri atanǵan sport sheberi.