Úlken garaj, jeke basseın, at shaptyrym fýtbol alańy – Satybaldynyń saraıynda taǵy ne bar?

Foto: skrınshot

Qaırat Satybaldynyń Astananyń sol jaǵalýyndaǵy záýlim saraılary tańdaı qaqtyrdy. Bir gektar jerge salynǵan kólemi 1000 sharshy shaqyrymnan astam jeke jaıda 16 bólmeli eki qabatty úı, onyń janynda taǵy eki iri nysan bar, dep habarlaıdy qandastar.kz Azattyq Rýhy-na silteme jasap.

Ǵımarattardyń birinde balalar emdelip jatyr, al ekinshisinde úlken basseın ornalasqan. Ishinde kıim aýystyratyn bólmeleri bar. Fýtbol oınaıtyn alań salynǵan. Onshaqty kólik qoıatyn turaqtar bar. Olardyń tórteýi jabyq turaq. Aýlada jasyl japyraǵy jaıqalǵan ártúrli aǵashtar ósip tur.

Qamal sekildi qorshalǵan Satybaldynyń jeke jaıy Astanadaǵy meshittiń janynda ornalasqan. Ol bir kósheniń boıyn alyp jatyr.

Aıta keteıik, búgin Sybaılas jemqorlyqqa qarsy kúres agenttigi bir top jýrnalısti shaqyryp, Astanadaǵy eń qymbat aýdandardyń birinde ornalasqan Qaırat Satybaldynyń záýlim saraıyn kórsetti. Ony túrmede otyrǵan Satybaldy Astana ákimdiginiń balansyna bergen.