جاڭالىقتار
«ۇلكەن سىي بولدى: ديماش قۇدايبەرگەن يگور كرۋتويعا العىسىن ءبىلدىردى
ايگىلى ءانشى ديماش قۇدايبەرگەن پروديۋسەر ءارى كومپوزيتور يگور كرۋتويعا جۇرەك تولقىتارلىق جازبا ارنادى, دەپ حابارلايدى Qandastar.kz
3 تامىز كۇنى Instagram-داعى پاراقشاسىندا ول ماەستروعا تۋعان قارىنداسىنىڭ تويىنا ارنايى كەلگەنى ءۇشىن العىس ايتتى.
«قۇرمەتتى يگور ياكوۆلەۆيچ, مەنىڭ تۋعان قارىنداسىمنىڭ تويى سياقتى ماڭىزدى دا تولقىنىسقا تولى كۇندى بىزبەن بىرگە بولىسكەنىڭىز ءۇشىن ۇلكەن راقمەت. ءسىزدىڭ كەلۋىڭىز – ءبىز ءۇشىن قۇر عانا قۇرمەت ەمەس, شىنايى جىلىلىققا, جان دۇنيەگە جانە ناعىز دوستىققا تولى ۇلكەن سىي بولدى. ءسىزدى ءاردايىم ۇلى كومپوزيتور رەتىندە تانىپ كەلدىك, بىراق مەن ءۇشىن ەڭ قىمبات نارسە – وزىڭىزدە ادامدارعا اشىق جۇرەك پەن ۇلكەن ادامگەرشىلىكتىڭ بولۋى. مۋزىكادا دا, ومىردە دە دوستىعىڭىز ءۇشىن راقمەت», — دەپ جازدى ديماش.
