«ۇلت ءۇشىن قاسىرەت»: قاراقات ءابىلدينا ەلىمىزدەگى اجىراسۋدىڭ كوبەيگەنىنە الاڭدادى

فوتو: ۆيدەودان سكرينشوت

تانىمال ءانشى قاراقات ءابىلدينا اجىراسۋ ماسەلەسىن كوتەردى, دەپ جازدى qandastar.kz

بۇل تۋرالى Stan.kzاقپارات اگەنتتىگى حابارلايدى.

ونەر يەسى وتباسىنداعى قيىندىققا شىداماي, اجىراسىپ كەتىپ جاتقان جاستاردى ءسوز ەتتى.

“بىرگە ءومىر ءسۇرىپ, قول ۇستاسىپ تالاي سىناقتان سۇرىنبەي وتكەن, ماحابباتىن ەسكىرتپەگەن جاندار بار. ولار قاشاندا باسقالارعا ۇلگى. بىراق… جاس جۇبايلاردىڭ قوسىلۋ ساتىنە تالاي كۋا بولىپ ءجۇرمىز عوي. ءسۇيدىم, كۇيدىم دەپ قوسىلعانىمەن, ارادا جىل وتپەي جاتىپ ايىرىلىسىپ ەكى جاققا كەتىپ جاتقاندار قانشاما?! ستاتيستيكاعا سۇيەنسەك, قازاقستان اجىراسۋ سانى بويىنشا الەمدە العاشقى ۇشتىككە ەنىپ تۇر ەكەن. بۇل ۇلت ءۇشىن ۇلكەن قاسىرەت. ءيا, «ۇيلەنۋ وڭاي, ءۇي بولۋ قيىن» دەپ بەكەر ايتىلماعان. ماحابباتتى ساقتاۋ – ۇلكەن ەڭبەك. مەيىرىممەن, كەشىرىممەن, تۇسىنىستىكپەن, سابىرمەن عانا جەتەسىڭ. ناعىز “ەسكىرمەيتىن ماحاببات” بىرگە وسكەن, بىرگە كۇرەسكەن, ءومىردىڭ ىستىعى مەن سۋىعىنا بىرگە توزگەن, ۇزاق جىلدار بويى ءبىر-ءبىرىن قولداپ, تۇسىنىستىك تانىتقان جاندارعا ءتان. ىدىس-اياق سىلدىرلاماي تۇرمايدى. دەگەنمەن, شىن سۇيگەن جۇرەك ەشقاشان قول سىلتەمەيدى. قيىندىقتا بىرگە بولۋعا, وتباسىن امان الىپ قالۋعا تىرىسادى”, – دەپ جازدى ءانشى.

ەسكە سالايىق, ءماجىلىس دەپۋتاتى ارداق نازاروۆتى 2023 جىلعى ەلدەگى اجىراسۋ ستاتيستيكاسى الاڭداتقان ەدى. ءساتسىز نەكەلەردىڭ ءوسۋىن توقتاتۋ ءۇشىن ول اجىراسقان ازاماتتارعا سالىق سالۋدىۇسىندى. وسىعان قاتىستى مىناداي ۇسىنىستار ايتتى:

• اجىراسۋعا ءوتىنىش بىلدىرگەن ەرلى-زايىپتىلاردىڭ ارىزىن قابىلداماس بۇرىن ارنايى مەملەكەتتىك باج نەمەسە جارنا تولەۋگە مىندەتتەۋ.;
• اجىراسپاقشى بولعان جۇپتى تاتۋلاستىرۋ ءۇشىن قوعامداستىق كەڭەستەرى, ارداگەرلەر القاسى, يمامدار, ايەلدەر كەڭەسىن پايدالانۋ;
• جاس وتباسىلاردى قولداۋعا باعىتتالعان “جاس وتباسى” ۇلتتىق باعدارلاماسىن ازىرلەۋ
• ۇيلەنۋ تويىن وتكىزۋ كەزىندە كەڭ كولەمدى اقپاراتتىق-يدەولوگيالىق ناۋقان جۇرگىزۋ.

سونداي-اق ول تولەم كولەمى ايتارلىقتاي جوعارى بولۋ كەرەگىن ايتقان ەدى.