«Ult úshin qasiret»: Qaraqat Ábildına elimizdegi ajyrasýdyń kóbeıgenine alańdady

Foto: Vıdeodan skrınshot

Tanymal ánshi Qaraqat Ábildına ajyrasý máselesin kóterdi, dep jazdy qandastar.kz

Bul týraly Stan.kzaqparat agenttigi habarlaıdy.

О́ner ıesi otbasyndaǵy qıyndyqqa shydamaı, ajyrasyp ketip jatqan jastardy sóz etti.

“Birge ómir súrip, qol ustasyp talaı synaqtan súrinbeı ótken, mahabbatyn eskirtpegen jandar bar. Olar qashanda basqalarǵa úlgi. Biraq… Jas jubaılardyń qosylý sátine talaı kýá bolyp júrmiz ǵoı. Súıdim, kúıdim dep qosylǵanymen, arada jyl ótpeı jatyp aıyrylysyp eki jaqqa ketip jatqandar qanshama?! Statıstıkaǵa súıensek, Qazaqstan ajyrasý sany boıynsha álemde alǵashqy úshtikke enip tur eken. Bul ult úshin úlken qasiret. Iá, «úılený ońaı, úı bolý qıyn» dep beker aıtylmaǵan. Mahabbatty saqtaý – úlken eńbek. Meıirimmen, keshirimmen, túsinistikpen, sabyrmen ǵana jetesiń. Naǵyz “eskirmeıtin mahabbat” birge ósken, birge kúresken, ómirdiń ystyǵy men sýyǵyna birge tózgen, uzaq jyldar boıy bir-birin qoldap, túsinistik tanytqan jandarǵa tán. Ydys-aıaq syldyrlamaı turmaıdy. Degenmen, shyn súıgen júrek eshqashan qol siltemeıdi. Qıyndyqta birge bolýǵa, otbasyn aman alyp qalýǵa tyrysady”, – dep jazdy ánshi.

Eske salaıyq, májilis depýtaty Ardaq Nazarovty 2023 jylǵy eldegi ajyrasý statıstıkasy alańdatqan edi. Sátsiz nekelerdiń ósýin toqtatý úshin ol ajyrasqan azamattarǵa salyq salýdyusyndy. Osyǵan qatysty mynadaı usynystar aıtty:

• Ajyrasýǵa ótinish bildirgen erli-zaıyptylardyń aryzyn qabyldamas buryn arnaıy memlekettik baj nemese jarna tóleýge mindetteý.;
• Ajyraspaqshy bolǵan jupty tatýlastyrý úshin qoǵamdastyq keńesteri, ardagerler alqasy, ımamdar, áıelder keńesin paıdalaný;
• Jas otbasylardy qoldaýǵa baǵyttalǵan “Jas otbasy” ulttyq baǵdarlamasyn ázirleý
• Úılený toıyn ótkizý kezinde keń kólemdi aqparattyq-ıdeologııalyq naýqan júrgizý.

Sondaı-aq ol tólem kólemi aıtarlyqtaı joǵary bolý keregin aıtqan edi.