ۇلتتىق بانك اقشا ايىرباستاۋدىڭ ەرەجەلەرىن بەكىتتى

فوتو: اشىق دەرەككوز

ۇلتتىق بانك «ايىرباستاۋ پۋنكتتەرى ارقىلى جۇرگىزىلەتىن وپەراتسيالار بويىنشا تەڭگەگە شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەكتەرىن بەلگىلەۋ تۋرالى» قازاقستان رەسپۋبليكاسى ۇلتتىق بانكىنىڭ باسقارما قاۋلىسىنىڭ جوباسى ازىرلەدى, – دەپ حابارلايدى  qandastar.kz

جوباعا سايكەس ايىرباستاۋ پۋنكتتەرى ارقىلى جۇرگىزىلەتىن وپەراتسيالار بويىنشا تەڭگەگە شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەگى اقش دوللارى ءۇشىن — 7 تەڭگە, ەۋرو ءۇشىن — 10 تەڭگە دەپ بەلگىلەۋ ۇسىنىلادى.  —

– ۇسىنىلعان وزگەرىستەر, ەڭ الدىمەن, ۆاليۋتا نارىعىنداعى الىپساتارلىق ارەكەتتەردى تومەندەتۋگە, سونداي-اق قارجى نارىعىنا قاتىسۋشىلاردىڭ تاۋەكەلدەرىن سەيىلتۋگە باعىتتالعان, – دەلىنگەن حابارلامادا.

بۇل شەكتەۋلەر قولما-قول اقشاسىز نىساندا جۇرگىزىلەتىن ايىرباستاۋ وپەراتسيالارىنا اسەر ەتپەيدى.

قاۋلى جوباسىنىڭ تولىق ماتىنىمەن قازاقستان ۇلتتىق بانكىنىڭ رەسمي سايتىندا تانىسۋعا بولادى.